ŞEHBA - Do 5ine Festîvala Mîtanî 8 rojan Kantonê Şehbayî de bêro organîzekerdiş.

 

Bi sloganê "Agêrayîşê ma nêzdî yo ma bi hêvî yê, Mîtan ça çînenê cuye" pancine Festîvala Mîtanî ya tîyatroyê Şehbayî do 8 rojan bêro organîzekerdiş. Bi amedebîyayîşê kaybazê Heleb, Reqa, Hesekê, Kerko, Şehba û Efrînê eynî wextî de bi beşdarbîyayîşş Heyetê Kultur û Hunerê Efrîn û Şehbay û Têgêrayîşê Kevana Zêrîn do festîvale bêra organîzekerdiş. Wargehê Tîyatroyê Mîtanî ke keweno qezaya Ehdasî tarîxê 11ê Çeleyî 2024ine heta 18ê Çeleyê 2024ine do peynî bibo. 

 

'Ma do festîvalêke bi name û veng organîze bikerê'

 

Kaybazê festîvale ra Evîn Xelîl derheqê festîvale de wina vat: "Semedê organîzekerdişê Festîvala Mîtanî do geyrê ma ver bi qampê multecîyan ê Serdem û Berxwedanî yê ke kewenê qezaya Ehdas û kantonê Fafîne dewam bikero. Semedo ke ma na festîvale bidê eşnawitiş ma amadekarîyê xo baş kerd. Bi rayîrê na festîvale ma zêdeyêr beşê hunerî de laver şî û amancê ma o yo ke ma festîvalêke bi name û veng kantonê Efrîn û Şehba de organîze bikerê.