ANKARA - DEM Partî, dîyar kerd semedê weçînayîşê vernî do 100 hezar kesî ray bidê. DEM Partî eşkerayîya xo de dîyar kerd ke lîsteyê delegeyan daliqnayê û rêxistinê bajar û qezayî de eşkenê biewnê.

 

Partîya Têduştîye ya Şaran û Demokrasî (DEM Partî), amadekarîyê weçînayîşî yê vernî yê 13-14 çeleyî kena. DEM Partî do weçînayîşê vernî yê 90 herêman de namzedê xo dîyar bikero û do nêzdîyê se hezar kesî şêrê serê sindoqan û namzedê xo dîyar bikerê. Na çarçewa de lîsteyê delegeyan ke hetê rêxistin û bajar û qezayan de amebî dîyarkerdiş, daliqnayî.

 

Îtîrazê lazimî serê lîsteyê delegeyan ke do heta roja panşeme 11 çeleyî de daliqnaye bimanê de do komîsyonê weçînayîşî yê eleqedarî rê bieşkê bikerê. Semedê nê zî eşkenê rêxistinê bajar û qezayî rê biresê.

 

DEM Partî, hesabê xo yê medyaya dîjîtale de dîyar kerd ke tarîxê weçînayîşî yê sereyîn û lîsteyê delegeyî îlan kerdê.