COLEMÊRG – Colemêrg de netîceyê hezazo ke pê ame de parçeyê zinaran visîyayî û kewtî serê keyeyêk de. Hedîse de tu kes birîndar nêbi û semedê asayîşî keye ame vengkerdiş.

 

Saetê şanî de taxa Keklîkpinarê Colemêrgî, nêzdîyê keyeyê di qat ê keyeyê Yakin ê 6 kesan pê yeno, hezaz virazîya. Virazîyayîşê hezazî de perçeyê zinaran kewtî serê keyeyêk de. Hedîse de zirarê canî nêvirazîya tenê dêsê vernî yê keyeyî zirar dî.  

 

Dimayê agahdarkerdişê kesê derûdorî, komê AFADî, îtfaîye û weşîye sewqê herême ameyî kerdiş. Heto bîn ra keye semedê asayîşî ame vengkerdiş. Sewbîna keye de xebatê tesbîtkerdişê zirarî ameyî kerdiş.