Rozerîn Gultekîn

 

AMED - Serê qetilkerdişê Gulîstan Dokuye ra 4 serrî derbaz bî û seba şikdar bêrî dîyîş û muhakemekerdiş têkoşînêk gird ame dayîş. Badiye Dokuya ke têkoşînê kênaya xo bi israr dewam kena serra 4. ne de venga ‘Kênaya mi bivînêne’ kerd. 

 

Wendekara Unîversîteya Munzurî Gulîstan Dokuya 21 serrî 5ê çeleyê 2020î de Dêrsim de bi hawayêk şikdar vînî bî û serê qewimîyayîşî ra 4 serrî derbaz bî. Keyeyê Gulîstane eyni roje de ame Dêrsim û muracatê vînîbîyayîşî kerd. Wexto ke xebatê cigêrayîşî yê vînîbîyayîşî dîyayî destpêkerdiş, ame dîyarkerdiş ke tewr peynî telefonê Gulîstan Dokuye ra serê rayîrê Sarisaltukî yê serê Golê Awbendê Uzunçayirî ra sînyal ameyo girewtiş. Vera îhtîmalo ke Gulîstane kewta awe, Çemê Mûnzûrî de xebatê cigêrayîşî ameyî kerdiş; la cigêrayîşan de tu şopê Gulîstane nêame dîyîş. Vera heme waştiş û rexneyê keye û avûkatan zî cigêrayîşê Gulîstane yê çolî nêame kerdiş, selahîyetdarê dewlete zî bi îdîayê “awe de ya” tehqîqat bi baldarî rayîr ra nêberdî.

 

Cehd kenê sey întîxarî nîşan bidê 

 

Vînîbîyayîşê bi şikin ê Gulîstane de polîsan bi zanayîş algiyê ‘întîxar kerda’ awan kerdî û nê prosesî de vejîya raşte ke pîyê şikdaro yewine Zaînal Abarakovî, polîs Engîn Yucel o. Vejîya raşte ke zabitnameyê ewil ke hetê Şûbeyê Asayîşî ra ameyo amadekerdiş de Engîn Yucel zî est o. Serê nameyê Walîtîyê aye wextî yê Dêrsimî Tuncay Sone, Mudirê ÎŞKURî yê Tunceliyî O.A û xebatkarê Walîtîye F.G teda bi keyeyê Gulîstane kerdî ke çapemenîye rê qisey nêkerî. 

 

Xebatê semede dîyîşê Gulîstane ame vindarnayîş 

 

Xebatê ke dimayê vînîbîyayîşê Gulîstane dîyayî destpêkerdiş de ame dîyar kerdiş ke tewr peynî telefonê Gulîstan Dokuye ra serê rayîrê Sarisaltukî yê serê Golê Awbendê Uzunçayirî ra sinyal ameyo girewtiş. Vera îhtîmalo ke Gulîstane kewta awe, Çemê Mûnzûrî de xebatê cigêrayîşî ameyî kerdiş; la cigêrayîşan de tu şopê Gulîstane nêame dîyîş. Vera heme waştiş û rexneyê keye û avûkatan zî cigêrayîşê Gulîstane yê çolî nêame kerdiş, selahîyetdarê dewlete zî bi îdîayê “awe de ya” tehqîqat bi baldarî rayîr ra nêberdî. Xebatê semedê dîyîşê Gulîstane 6ê Temmuza 2020î de ameyî vindarnayîş. 

 

23yê Çeleyê 2022yî de keyeyê Gulîstane şî Anqara û bi waştişê wezîrîya edaletî reyde pêvînayîş bikera şî verê wezîrîye û polîsan hêrişê keye kerd. Dima ra wezîrê kare zerre yê aye wextî Suleyman Soylu serê hesabê xo yê Twîtterî ra eşkerayî ra û vat ke seba dîyîşê Gulîstane bi samîmîyet cehd kenê û partîyê muxalefetî yê ke na babete ardî rojeve zî bi sûcdarîya 'Rantê sîyasî’ sûcdar kerd. 

 

Cinî Gulistane persenê 

 

Vera heme qewimîyayîşan, rêxistinê cinîyan ê Kurdistan û Tirkîya, bi taybetî rêxistinê cinîyan ê Dêrsimî, seba musayîşê aqubetê Gulîstane xeylê çalakî pê ardî. Çalakîyê ke ameyî kerdiş de ge ge raştê hêrişê polîsan ameyî la cinîyan mîyanê 4 serrî de qet fek persayîşê persê “Gulîstan Dokuye kam ca de ya?” nêverdayî. Vera her çîyî selahîyetdar ra game nêame eştiş. 

 

Heme çîyê vejîyayî raşte Zaînal Abarakovî nişan danî 

 

Vera heme delîlan herinda ke şikdar bêrî muhakemekerdiş, hukm û îqtîdar vera waştişê edaletî de bêveng mend. Zaînal Abarakovo ke 17ê Adara 2022yî de Alanya de ame destbendkerdiş, bi qedexeyê tebervejîyayîşê welatî serbest ame verdayîş. Vera îfadeyê xo yê nakokî yê dozgerîye zî serbest ame verdayîş. Sewbîna, 18ê Adara 2022yî de ame eşkerakerdiş ke Zainal Abarakovî 6 aşmî nêşîyo îmze û ganî şertê kontrolê qanûnî îmze bikerdêne. 

 

‘Kênaya mi bivînêne’ 

 

Dadîya Gulîstane ke 4 serrî vînîbîyayîşê aye sero ra derbaz bî, Bedrîye Dokuye bi hemkarîya ajansê ma waştişê xo ard ziwan û vat ke yewine waştişê aye no yo ke kênaya aye Gulîstane bêra dîyîş û wina vat: “Qey nîna dîyîş ez nêzana. Venga Wezîrîya Edaletî, serekkomarî kena. Kênaya mi bivînêne. 4 serrî yo cuye ma rê bîya jehr. Seba ma ne roj roje ya û ne zî şew şewe ya.”