AMED - TJAyî, bi sloganê "Vizêr ra heta ewro panoramaya ked û serewedaritişê cinîyan, Jin jiyan azadî" Amed de pêşangeha resiman viraşt. 

 

Bi serkeşîya Têgêrayîşê Cinîyanê Azadan (TJA) Merkezê Kulturê Dîcle Firatî yê Amedî bi sloganê "Vizêr ra heta ewro panoramaya ked û serewedaritişê cinîyan, Jin jiyan azadî" pêşangeha resiman viraşt. Pêşangeh de pankartê "Jin jiyan azadî " ame daliqnayîş. Parlamentera Partîya Têduşt û Demokrasî yê Şaran (DEM Parti), Adalet Kaya, Hemsereka Partîya Herêmê Demokratîk (DBP) ê Amedî Sultan Yaray, Meclîsa Cinîyan ê DBPyî, Komeleya Cinîyan ê Rosaye û xeylêk kesî tewrê pêşangehe bîyî. 

 

'Adetêk têkoşînê cinîyan est o'

 

Qiseykerdişê akerdişê pêşangehe hetê Adalet Kaya ra ame kerdiş. Adalete vat: "Bi taybetî des serrê peyên de sûcê serê nameyê dewlete ameyê kerdiş, est ê. Xeylêk embazê ma semedê qirkerdişê sîyasî zîndanan de yê. Verê xo danê cinîyanê sîyasetmedarê aktivîstan. Labelê cinî pêşengîya têkoşînî kenê û adetêk têkoşînê cinîyan est o. "

 

Dimayê qiseykerdişî kesê ameyî pêşangeh, gêrayî.