MERKEZÊ XEBERAN - Ame dîyarkerdiş ke rejîmê Îranî mîyanê hîrê rojê peyîn yê 2023 de 4 cinî yê bînî, darde kerdê. Bi no hawa hûmara cinîyê ke mîyanê serra 2023ine de Îran de ameyê dardekerdiş, resa 25 cinîyan.

 

Goreyê raporê sazgehê Encûmena Cinîyê Îranî, mîyanê hîrê rojê peyîn yê aşma Kanûnê ya 2023ine de 4 cinî ameyî dardekerdiş. Hûmara cinîyê ke serre de Îran de ameyî dardekerdiş, resa 25.

 

Rapor de yeno vatiş ke rejîmê Îranî cezaya dardekerdişî sey metodêk tersnayîşê şarî û vernîgirewtişê nêrazîbîyayîşê hemverê îqtîdarî şuxilneno.

 

Rapor de ame vatiş ke goreyê serra 2022yî serra 2023yî de dayeyê daliqnayîşî se ra 43 zêde bîyo. Yeno vatiş ke tena mabenê aşmanê Teşrîna Verêne û Teşrîna Peyêne ya 2023yî de nizdîyê 200 kes ameyî daliqnayîş. Mîyanê serre de zî bi temamî 850 tepişteyî ameyî daliqnayîş. Mîyanê 15 tepişteyanê sîyasî ra 25ê ci cinî yê. 

 

Goreyê amaran serra 2007î de ra heta nika bi temamî 228 cinî zîndanê Îranî de ameyî daliqnayîş.