MERKEZÊ XEBERAN - Goreyê raporê serra 2023ine yê KCDPyî, camêrdan mîyanê serrêke de tewr tay 315 cinî qetil kerdî, 248 cinî zî bi şik dinyaya xo bedelnayî.

 

Platformê Ma do Vernîya Cînayetê Cinîyan Padê (KCDP) raporê xo yê serra 2023ine eşkera kerd. Goreyê raporî, serra 2023ine de 315 cinî hetê camêrdan ra ameyî qetilkerdiş. Sewbîna 248 cinî bi hawayêkê şik dinyaya xo bedelnayî.

 

Rapor de ame vatiş ke mîyanê 15 serrê ke qirkerdişê cinîyan ameyîne qeydkerdiş de tenê serra ke Peymana Stenbolî amebî îmzakerdiş, hûmara qetilkerdişê cinîyan kêmî bî. Ame vatiş ke dimayê betalkerdişî peymana dayeyê şîdetê hemverê cinîyan û qetilkerdişê înan zêde bîyo.

 

Goreyê raporî; tewr zêde cinî Stenbol de ameyî qetilkerdiş. Dima ra zî Îzmîr û Anqara de. 315 cînayetê cinîyan 8 ci ra Mûgla bî. 8 cinî zî bi îşkence ameyî qetilkerdiş.