ANQARA - Parlamentera DEM Partîye Dîlan Kunt Ayane derheqê butçeya ke şerî rê ameya cîyakerdiş û kurdî parlementoye de çinî ameyê hesibnayîş de qisey kerd û vat ke çinîhesibnayîşê kurdî dewamkerdişê zîhnîyetê komare yê se serrî yo. Dîlane dîyar kerd ke heta ke şer û pêrodayîş dewam bikerî do ne edalet û ne zî yatirim welat rê nêrî kerdiş. 

 

Pêvînayîşê butçeya Merkezî ya serra 2024î ke 11ê Kanûne de ame Heyetê Pêroyî, dimayê maratonê di hewteyan 25ê Kanûne de bi rayê AKP-MHPyî meclîsî ra derbaz bî. Seba ‘Asayîş û Pawitişê Neteweyî’ 10an ra yew cîya kerdî û her çend ke DEM Partî bê maben vat na butçeya şerî ya û komel çin o zî kesêke nêeşnawit. Koma AKPyî ke nê vengî nêeşnawit silamkerdişê grevê vêşanîye yê tepişteyan û venga aştîye zî hedef mojna. 

 

Parlamentera DEM Partîye ya Rihaye Dîlan Kunt Ayane derheqê pêvînayîşê butçeye de qisey kerd. 

 

‘Pêşnîyarê me çiman ver de nêgirewtî’ 

 

Dîlane da zanayîş ke înan prosesêk balkêş derbaz kerdî û vat: “Di hewte verê cû ma waştişê xo Komîsyonê Plan û Butçeye de pêşkêş kerd. No prosesêk ke polîtîkayê talanî yê AKPyî vejîya raşte bî. AKP nê çîyî cîdî nêgirewt. Ma şaş mendî. Ma qala butçeya ke goreyê waştişê AKP û hemkaranê ci pê ameya, kenê. Na butçeye de cinî, şar, kedkar, kêmarî çinî yê. Di kesan ra yew AKPyî qebul nêkeno. Ganî îqtîdar nê çîyî rono raşte. Ganî bivîno ke kes înan nêwazeno. Ma sey muxalefet nê çîyî rona raşte. Ma komîsyon de plan û butçeye de pêşnîyar kerd ke polîtîkayê înan yê ke teşhîr kenê, rona raşte. Ma qala îqtîdarêke ker û lal kenê. Çike îqtîdar xo wina weye keno. Sewbîna şansê înan çin o.”

 

‘Dewamkerdişê zîhîyetê se serrî’ 

 

Dîlane ard ziwan ke dewamkerdişê komara se serrî parlementoye de dîyê û wina vat: “Ma DEM Partîye ci ra bivejnê, parlementoye de çîyêk ke ma qisey bikerê çin o. Derheqê cinî, kêmar, bindest, elewîyan de tu çîyêk nêdanê xo ver. Tena AKP nê, hedefe heme partîyan DEM Partî yo. DEM Partî dest dano heme hetan. AKP û muxalefet zî nê çîyî ra aciz ê. Her vatişî de hêrişê DEM Partîye kenê. Qaseyo ke dest bierzê îradeyê ma xo heqdar vînenê. La cewabê ci zî ma û şaran ra girewtî. Cewabê ‘şima nêeşkenê derheqê ma de vatiş bivajê’ girewt. Semedo ke ma butçeya înan ya ke cinî û şarî çinî hesibneno teşhîr kerd, hêrişê ma kenê. Her parlamentero ke vejîya serê kursî hêrişê ma kerd.”

 

dila‘Babete çinîhesibnayîşê ziwanê kurdan o’ 

 

Dîlane heto bîn de dîyar kerd ke meclîs de silamkerdişê bi kurdî her tim hedef ameyo mojnayîş û wina dewam kerd: “Her tim ma rê vanê ‘problemê ma bi kurd û kurdî reyde çin o’. La mîyanê xo de nakokî ciwîyenê. Heto bîn de zî her qiseykerdişê kurdî de nuqtaya 3ine ya Destûrê Bingeyîn kenê vîr. Îqtîdarê AKPyî seba ke îqtîdarîyê xo qisey bikero cehd keno. Ma nizdîbîyayîşê înan baş zanê. Ma qala merdimê ke se serrî yo na herre ser de ciwîyenê kenê. Ma do seba ciwîyayîşê ziwanê xo têkoşîn bikerê. Babete nuqtaya 3ine ya Destûrê Bingeyîn nîya. Babete çinîhesibnayîşê ziwan û nasnameyê kurdî ya.”

 

‘Zîhnîyetêk ke şer û pêrodayîşan giran keno est o’ 

 

Dîlane dîyar kerd ke butçeyê 2024ine yê meclîsî derbaz bîyo, se ra 10 şerî rê ameyo visnayîş û vat: “Îqtîdar, welatijê vêşanan ra vano ‘hayeya şima vayîya guleyan ra est a’. No welat de heta ke şer û pêrodayayîşî bibê do edalet zî nêro. Çareserîya problemê kurdî bi peynîbîyayîşê şer û pêrodîyaşan mumkin o. Ekonomîya welatî, heqê merdiman ancax wina çareser bibo. La zîhnîyetêk ke pêrodayîşan giran keno est o. Ma do semedê aştîyêke mende têkoşîn bikerê.”