Mîdye Miqted

 

HELEB - Cinîyê Taxa Şexmeqsûdî derheqê panelê seba azadîya Rayberê PKKyî Abdullah Ocalanî ke 3 rojan dewam kerdbî, dîyar kerdî ke çalakîyê winasî seba azadîya fîzîkî û vilakerdişê fikrê Abdullah Ocalanî xeylê muhîm ê û wina vatî: “Ma zî sey cinîyê ke bi felsefeya Rayber Abdullah Ocalanî xo bi rêxistin kenê, her rim raşteyan de yê. Ma bin a felsefeye bîyî wayîrê rih û newe ra ma xo awan kerd. Ma do zî bi hêz û îradeyê cinîye wayîrê fikr û ramanê Rayberîyê xo bivejê. Çike bi taybetî wayîrvejîyayîşê Raybertî yê bi hêzê cinîye xeylê muhîm o.” 

 

25ê Kanûne ra heta 27ê Kanûne Taxa Şêxmeqsûdî ya bajarê Helebî de hetê Kongra Star û Meclîsê Cinîyan ê Partîya Yewîya Demokratîke (PYD) ra panel ame viraştiş. Panel Talêt Helebî ke keweno milê şerqîya taxe de ame viraştiş. Bi tewrbîyayîşê heme dezgeh, komîn, partî û meclîsê taxe panel ame viraştiş. Roja yewine de serê babeta komployê serê Rayberê PKKyî Abdullah Ocalanî de, roja diyîne de serê babeta Abdullah Ocalan û azadîya cinîye de û roja hîrine zî derheqê têduştîya azade de munaqaşa ame kerdiş. 

 

Endama Koordînasyonê Kongreyê Starî yê bajarê Helebî Nêrgiz Bekire, Endama Keyeyê Cinîye ya bajarê Helebî Sultan Mihemede, Endama Partîya Yewîya Demokratîke (PYD) Zeyneb Dewode derheqê babete de ercnayîş kerdî. 

 

'Derheqê pawitoxnameyî de munaqaşa ame kerdiş’ 

 

Endama Koordînasyonê Kongreyê Starî ya bajarê Helebî Nêrgiz Bekire bale ant serê muhîmîya çalakîyê ke yene viraştiş û wina dewam kerd: “Seba azadîya Rayberê Şarê Kurdî Abdullah Ocalanî ma hîrê rojan çalakîyan viraşt ke pêroyê dezgeh û dezgehê taxe nê çalakîyan de amede bî. Serê pawitoxnameyê Raybertî de munaqaşayê hîra ameyî kerdiş. Çalakîyê ma seba azadî û vilakerdişê felsefe û fikre Raybertî xeylê muhîm ê. Çike felsefe û fikrê Raybertî azadî û aştîye vila kenê. Coka ra ma do dewam bikerê."

 

'Heta azadîye ma fek na dewaye ra nêverdenê’ 

 

Peynîyê qiseykerdişê xo de Nêrgize dîyar kerd ke seba azadîya Rayberê PKKyî Abdullah Ocalanî do timî çalakîyê înan dewam bikerê û wina peynî kerd: "Seba ke ma bieşkê Rayberê xo bi hawayêkê fîzîkî azad bikerê ma timî çalakîyê xo pê anê. Ma do nê çîyan vere pêroyê dinya de bidê eşkerakerdiş ke ma sey cinîyê kurdî tim bi çalakîyê xo yê seba azadîya Raybertî têkoşîn dewam kenê. Heta azadîye ma fek na dewaye ra nêverdenê." 

 

'Ma do wayîrê fikir û felsefeya Rayberê xo bivejê’ 

 

Sewbîna cinîyan ra Endama Keyeyê Cinîye ya bajarê Helebî Sultan Mihemede zî bale ant serê muhîmîya wayîrvejîyayîşê Rayberê PKKyî Abdullah Ocalanî û wina vat: "Pêro dewletê ke soz dayî ke wayîrê Rayber Abdullah Ocalanî bivejê ganî wezîfeyê xo bîyarî ca. Ma zî sey cinîyê ke bi felsefeya Rayber Abdullah Ocalanî xo bi rêxistin kenê, her tim raşteyan de yê. Ma bi na felsefeye bîyî wayîrê rih û newe ra ma xo awan kerd. Ma do zî bi hêz û îradeyê cinîye wayîrê fikir û felsefeya Rayberê xo bivejê. Çike bi taybetî wayîrvejîyayîşê Rayberî yê bi hêzê cinîyan xeylê muhîm o."

 

'Bi hêzê cinîyan ma do wayîrê felsefeya Rayberî bivejê’ 

 

Dewamê qiseykerdişê xo de Sultane vat ke cinîye dest pêkerdişê tarîxî ra nata binê îqtîdarîyê sîstemê yewperest û zîhnîyetê pederşahîye de ameya rayîr ra berdiş û bi wesîleya felsefeya Rayberê PKKyî Abdullah Ocalanî nê zîhnîyetî ra ameyî azadkerdiş û wina ercnayîşê xo dewam kerd: “Dewletê îqtîdar timî serê cinîye de îqtîdarîyê xo danî rayîr ra berdiş la bi vejîyayîşê fikir û felsefeya Rayberî ewro cinî xo ver bi azadîye ra benî. Ma soz danî ke wayîrê fikir û felsefeya Rayberê xo bivejî ke pêroyê cinîyê bindest azad bikerî û têkoşînê xo bidî dewamkerdiş.”

 

'Dewletê komploger do nêresê amacê xo' 

 

Sultane qiseykerdişê xo yê peyênan de bale ant serê amacê dewletê komploger ê ke deste înan tepiştişê Rayberê PKKyî Abdullah Ocalanî de est o û wina vat: "Amacê dewletê komploger ê ke tepiştişê Rayberî de engişta înan est o, no yo ke felsefeya ke seba pêroyê bîya sembole aştîye raşte ra wedarnî û şar nê fikrî ra dûrî bifînî. La do dewletê komploger nêresî amacê xo.”

 

'Bi projeyê netewê demokratîke zemînêk newe ame awankerdiş' 

 

Eynî wext de Endama Partîya Yewîya Demokratîke (PYD) Zeyneb Dewode zî derheqê pêardişê çalakîya xo de wina vat: "Serê azadkerdişê Rayberî de pêroyê dinya de çalakî yenê viraştiş. Ma zî ewro çalakîya xo pê anê. Rayberî bi projeyê netewê demokratîke seba ma û seba pêroyê dinya zemînêke newe awan kerd. Ma zî waştiş kenê ke pêroyê dinya wayîrê nê fikir û felsefeyî biveja heta ke ma bieşkê bi nê fikr û felsefeyî bibê çareserîyêk seba pêroyê probleme Rojhelatê Mîyanên."