MERKEZÊ XEBERAN - Sûkê Qamişloyî de seba yadkerdişê 8 kesanê ke hêrişanê dewleta tirkan de şehîd bîyê, dikanî nêameyî akerdene. Do semedê 8 kesan merasîmêk bêro organîzekerdiş.

 

Vizêr 25ê kanûne de hêrişanê dewleta tirkan ya vera Qamişloyî de 8 kesî dinyaya xo bedelnabî. Ewro cenazayê 8 kesan bi merasîmêkê girseyî do bêrê definkerdene. 

 

Bi wesîleya merasîmî û yadkerdişê 8 kesan û seba şermezarkerdişê hêrişanê howane, pêro dikanê sûkê Qamişloyî ewro girewte yê. 

 

Dikandaran dikanê xo anêkerdî. Şar hêdî hêdî verê xo dano Meydanê Şehîd Delîl Saruxanî ke tede merasîm do bêro kerdene.