MERKEZÊ XEBERAN - Meclîsê Sûrîyeya Demokratîke (MSD) venga pêro hemwelatîyan da ke vera hêrişanê dewleta tirkan kerd ke wayîrê şoriş û erdê xo vejîyo. QMSDyî bêvengîya hêzanê mîyanneteweyîyan zî şermezar kerde. 

 

Meclîsê Sûrîyeya Demokratîke (MSD) bi eşkerayîyêke seba 8 welatperweranê ke hêrişanê dewleta tirke yê vera Qamişloyî de eşkerayîyêke weşêna.

 

Eşkerayîye de wina ame vatiş:

 

“Bi 3 rojî yo dewleta tirke ya îşxalkere derheqê hêrişanê xo de zûran kena, hêrişan de zerarêk nêresayo hêzanê înan ser û dewleta tirke waranê sivîlan hedef kena.

 

Ma do şarê xo her wextî ra zêdeyêr vera hêrişanê dewleta tirke ya îşxalkere bipawê. Ganî dewleta tirke ya îşxalkere bizana ke şensê ci çin o ke verê nê şarê xoverdayoxî de ser bikewa. Yewî û rêxistinîya şaranê Rojawanî eşkena pêro hêrişan pûç bikera. 

 

Şarê ma wa vera nê hêrişan heqê xopawitişê meşrûyî asta berze de bimojnê, destûr nêdê nê hêrişan, bi çalakîyanê xurtan wayîrê şoriş û erdê xo vejîyê. Wa şarê ma tewrê MSDyî bibo û pawitişê xo bikero. 

 

Ma bêvengîya Rûsya û Koalîsyonê Mîyanneteweyî ya vera nê hêrişan qebul nêkenê. Wa Rûsya û Hêzê Koalîsyonê Mîyanneteweyî verê nê hêrişan de tewirê xo bimojnê.

 

Hemverê nê hêrişan de yewîye lazim a û no rayîrê yewin yê çareserkerdişê alozîya Sûrîye yo û caardişê çareserîya demokratîke ver bi awankerdişê Sûrîyeya nêmerkezî yê zafreng ra yo. Hêrişî, sucê însanî û bêînsanî yo û ma venga hêzanê Sûriye kenê ke hemverê hêrişan de helwestêk yewbîyaye bidê.