MERKEZÊ XEBERAN - DEM Partî de ewro seba muracatê namzetîya namzetan roja peyên a. 

 

Partîya Têdûştîye û Demokrasîyî ya Şaran (DEM Partî) de amadekarîyê weçînayîşanê herêmîyan ê 31ê adare dewam kenê. Ewro muracatê seba namzedîya namzetanê şaredarîyan, endamîya meclîsan û meclîsanê pêroyîyan qedîyenê. 

 

Dimayê ke prosesê muracatan biqedo, destpêkê çeleyî de qeza û bajarê ke DEM Partî tede partîya yewine û diyîne bibî, nînan de sindoqî do bêrê ronayîş. Bi nê hawayî namzedî do bêrê dîyarkerdiş. 

 

DEM Partî hedef keno ke qasê 200 merkezan de sindoqan do rono û dima zî namzetanê xo rayaumûmîye rê eşkera bikero.