Mîdye Miqted

 

HELEB - Cinîyê kurdî yê Helebî derheqê tarîxê dewleta tirke û tarîxê osmaniyan de sewbîna amancê înan yê qirkerdişê şarê kurdî û mîsakı-milli de Heleb de panel organîze kerdî. Endama Meclisê Partîya Yewîya Demokaratike (PYD) Eyşe Hiso derheqê babete de ercnayîş kerd. Eyşe wina vat: "Ganî ma hemverê fikrê dewleta tirke, xo xurt bikerê, semedo ke her qerarê dewleta tirke oyo ke yewin projeyê Xoserîya Demokratîke û şarê kurdî qir û çin bikerê. No çinkerdiş her tim rêza xebatê dewleta tirke de yo. Hemverê nê de zî ganî ma sey cinîyê kurdî baş xebate bikerê ke ma rayîr hemverê sîyasetê dewleta tirke padê."

 

Cinîyê kurdî yê Helebî derheqê tarîxê dewleta tirke û tarîxê osmanîyan ke eynî wextî de amancê înan yê qirkerdişê şarê kurdî û mîsakı-milli de Heleb de panel organîze kerdî. Endama Meclîsê Partîya Yewîya Demokaratike (PYD) Eyşe Hiso derheqê babete de ercnayîş kerd.

 

'Hemverê alozîyan de şar bê cewab nêmend'

 

Eyşe destpêk de da zanayîş ke Rojhelata Mîyanên her tim alozîyêk est o û şarê kurdî hemverê nê alozî de her tim xo ver dayê û wina vat: "Bi serran o şer û alozîyêk Rojhelatê Mîyanên de est o. Hemverê nê zî şar bê cewab nêmend. Dewleta tirke zî Rojhelatê Mîyanên de dest bi siyasetê bi çeteyan reyde kerd. Bi no hawayî cografyaya Sûrîye îşxal kerd. Sewbîna paştdayîş da DAÎŞî. "

 

'Ganî ma sey cinîyê kurdî baş xebate bikerê' 

 

Peynîya qiseykerdişê xo de Eyşe da zanayîş ke eke şarê kurdî hemverê dewleta tirke xo xurt nêkerê do bêrê xapênayîş û wina vat: "Ganî ma hemverê fikrê dewleta tirke, xo xurt bikerê, semedo ke her qerarê dewleta tirke oyo ke yewin projeyê Xoserîya Demokratîke û şarê kurdî qir û çin bikerê. No çinkerdiş her tim rêza xebatê dewleta tirke de yo. Hemverê nê zî ganî ma sey cinîyê kurdî baş xebate bikerê ke ma hemverê sîyasetê dewleta tirke padê.”

 

‘Wazenê kiştiş, çinkerdiş û vurnayîşê demogirafîk pê anê'

 

Eynî wextî de Sereka Meclisê Partîya Sûriya Ameyoxî ya Helebî, Xalîde Ebdo zî wina vat: "Ma bi amadebîyayîşê cinîyê taxe panelê xo organîze kerd. Ma bale ant serê tarîxê dewleta osmanijan û qirkerdişê ke kerdê. Bi zihnîyetê Osmanijan nika hêrişî serê herêmê ma yê demokratîke yê Bakur û Rojhelatê Sûrîye dewam keno. Wazenê projeyê Osmanijan agêrê. Wazenê kiştiş, çinkerdiş û vurnayîşê demogirafîk pê bîyarê. Ma do hemverê nê de têkoşînê xo dewam bikerê."

 

'Ma do sey cinîyê kurdî têkoşînê xo tim berz bikerê’

 

Peynîya qiseykerdişê xo de Xalîdeye bale ant serê bêvengîya rêxistinê ke ewro xo dinya de dayo eşkerakerdiş ke heqê merdiman pawenê û vat, no rêxistin hemverê kerdişê dewleta tirke her rey bêvengîya xo eşkera kenê la ma do sey cinîyê kurdî serê cografyaya Sûrîye de têkoşînê xo tim berz bikerê ke ma nêverdê dewleta tirke reyke bîn projeyê xo pê bîyarê. Xalîde vat, ê do Sûrîyeyêke merkezî awan bikerê.”