Mîdye Miqted

 

HELEB - Meclîsê Pêroyî yê taxê Şêxmeqsûd û Eşrefîye yê bajarê Helebî kombîyayîşê xo yê serranê pê ardî. Hemsereka Meclîsa Pêroyî ya taxê Şêxmeqsûd û Eşrefîye ya bajarê Helebî Hêvîn Sileymane derheqê darvistişê kombîyayîşî de wina vat: “Ewro hûmara cinîyan a heme kar û xebatan de zêde bîya. Cinîyan hem hem karê teberî û hem zî karê keyeyî kerd. Vera ambargoya giran a serê taxe zî cinîyan xover da." 

 

Hemsereka Meclîsê Pêroyî ya taxê Şêxmeqsûd û Eşrefîye ya bajarê Helebî Hêvîn Sileymane serê darvistişê kombîyayîşê xo yê serrane de ercnayîş kerd. Hêvîne ard ziwan ke do seba azadkerdişê Rayberê PKKyî Abdullah Ocalanî û girdkerdişê rêxistinbîyayîşê cinîyan kar û xebatê xo aver bifînê. 

 

'Vera heme astengîyan karê cinîyan dewam kerd'

Hemsereka Meclîsê Pêroyî ya taxê Şêxmeqsûd û Eşrefîye ya bajarê Helebî Hêvîn Sileymane wina vat: "Ma kombîyayîşê xo de serê bingehê ercnayîşê kar û xebatê serra 2023yî de vindertî. Na serre seba ma cinîyê ke mîyanê xebate de yê, zaf giran bî. No zî qewimîyayîşê ke qewimîyayî vera û teberê hêzê cinîye de bî. La reyna zî cinîyan xover da. Cinîyan bi heme hêz û îradeyê xo karê xo dezgehan de dayî dewamkerdiş. Vera ambargoye û erdlerzî reyna zî cinîyan têkoşînê xo dewam kerd.”

 

'Vera ambargoye cinîyan xover da' 

 

Hêvîne bale ant serê astengîyê mîyanê na serreke vejîyayî vernîya cinîyan û têkoşînê vera astengîyan û wina dewam kerd: “Emserr qewimîyayîşêk zehmet ke cinîyan derbaz kerd erdlerz virazîya. Erdlerz xo reyde xeylê astengîyan ard. Cinîyan zor û zehmetîyê giranî derbaz kerd. Vera nê çîyan de reyna zî cinîyan fek xebata xo ra nêverda. Heme çalakî ûaktîvîteyan de ca girewtî. Bi taybetî çalakîyê girêdayeyê hemleya seba Rayber Apo azadî. Ewro hûmara cinîyan ke heme kar û xebatan de ca gênê , zêde bîya. Cinîyan hem karê teber û hem zî karê keyeyî kerd. Vera ambargoya giran a serê taxe zî cinîyan xover da." 

 

'Ewnîyayîş û qerarê ke kombîyayîş de vejîyayî do serra verêne bibê pêşnîyaz' 

 

Hêvîne qiseykerdişê xo yê peyênan de bale ant serê planê seba serra 2024î û bi taybetî seba averberdişê hîna zêde rol û mîsyonê cinîyan ê kar û xebatan ê mîyanê taxan de û wina peynî kerd: “Seba serra newe ma do her xebata xo seba averberdişê Wezîfeyê cinîyan ê seba çareserkerdişê problemê ke mîyanê serre de vejîyayî aver, zêde bikerê. Eynî wext de do senî cinî bibê cewab, hemverê qewimîyayîşan de do senî têkoşînê xo aver bifînê, ma do senî nê nuqtayan de zî xebatê xo zêde bikerê. Emserr erdlerz virazîya, ambargoyêk giran est a, hemverê nê zehmetîyan de ma do senî rêxistinbîyayîşê xo xurt bikerê no muhîm o. Ewnîyayîş û qerarê ke nê kombîyayîşî ra vejîyayî do seba serra newe bibê pêşnîyaz. "