AMED/ANQARA - Amed û Anqara de netîceyê hêrişan de di cinî ameyî qetilkerdiş. 

 

Di saetê şewe de qezaya Bajarê Neweyî yê Amedî de hemverê cinîya bi nameyê Medîne Polat hêrişê çekdarî ame kerdiş. Serê agahîya kesê ke derûdorî reyde Medîne wedarnayî Nêweşxaneyê Perwerde û Cigêrayîşî yê Gazî Yaşargîl ê Amedî. Pêwa hewldayîşî zî Medîne dinyaya xo bedelnaye. Cenazeye Medîne semedê otopsî wedarnayî morgê nêweşxaneyî. 

 

Ame zanayîş ke derheqê qetilkerdişê Medîne, camêrdo ke ci reyde zewicnayebi M.P. ame destbendkerdiş. 

 

Anqara

 

Cinîya bi nameyê Nûrsena Kozan (25) zî şewa bîne Taxa Tandogan ê Sîncanê Anqarayî de hetê camêrdê ke fek vera dabî yê bi nameyê Ş.Ş. hêriş ame kerdiş Nursenaya ke nêweşxaneyêk taybetî de ameyîne tedawîkerdiş, dinyaya xo bedelnaye. Hêrişkar Ş.Ş. zî ame destbendkerdiş.