AMED - Delegasyonê Cinîyan ê Mîyanneteweyî MKG û DFGyî zîyaret kerd. Serdayîşî de amancê awankerdişê MKGyî û zextê serê rojnamegerê kurdî yê Kurdistan û Tirkîya ameyî ercnayîş.

 

Delegasyonê Cinîyan ê Mîyanneteweyî Komeleya Rojnemgeranê Cinîyan ê Mezopotamya û Komeleya Rojnamegeranê Dîcle Firatî (DFG) zîyaret kerd. Endamê heyetî ke mîyan de avûkat, sîyasetmedar û akademîsyenî zî estbî, hetê Sereka MKGyî Roza Metîna, Rayîrbera Xeberan ê JINNEWSî Safiye Alagaş û endama DFGyî Gulşen Koçuk ra ameyî pêşwazîkerdiş.

 

Roza serê demê awanbîyayîşê MKGyî û amancê ci endamê heyetî rê qisey kerd û bale ant serê zext û şîdetê giran ê hemverê rojnamegeranê Kurdistan û Tirkîya.