STENBOL - Midûra Karê Nuşteyî ya MAyî Dîren Yurtsever semedo ke xebera bi sernameyê “Dewaya Kobanî de do îtîrafkarî bêrê goşdarîkerdiş” îfade da. 

 

Serdozgerîya Komare ya Stenbolî serê gerreyê Samî Baran ke Dewaya Kobanî de seke şahid ame goşdarîkerdiş, derheqê Midûra Karê Nuşteyî ya Ajansê Mezopotamyaye (MA) Dîren Yurtsever de cipersayîş da destpêkerdiş. Xebera bi sernameyê “Dewaya Kobanî de do îtîrafkarî bêrê goşdarîkerdiş” zî mîyan de semedê hîn xeberanê mabêne 2018-2019 de ameyê weşênayîş, derheqê Dîrene de cipersayîş dîya destpêkerdiş. Dîrene çarçewaya cipersayîşî de Midûriyetê Emniyetî yê Stenbolî de îfade da. Dîrene, bi îdiayê “Propagandayê rêxistine” û “Kesî hedef nîşan da ya” ameye tawanbarkerdiş. 

 

Dîrene, îfadeyê xo de dîyar kerd ke xebere dewayêka îstîmlakî ya û sere de rojnamegerî her kesî rê akerde ya. Bi kilmî de Dîrene vat ke roniştiş de zabitname û name nimite nîyê û coka sûc nîyo. 

 

Dîrene sucdarkerdişê ke yenê kerdiş red kerd û vat, xeberê ke MAyî de ameyê weşanayîş erjîyayeyê xebere yê û çarçewaya xebatê rojnamegerî de ameyê weşanayîş.