RIHA - Riha de cendirmeyan ancî hêrişê çalakîya karkeranê Ozakî kerd û 18 karkerî û 1 temsîlkarê sendîka destbend kerdî. 

 

Riha de karkerê Ozak Tekstîlî 17 rojî yo seba heqanê xo çalakîya karverdayîşî kenê. Cendirmeyan ancî verê karkeran pê bendan girewt. Wekîlê EMEPî Îskender Bayhan û Sevda Karaca zî çalakîye de amade bîyî. Cendirmeyan bi bahaneya qedexeyî bi awa tazyîkêne, tirs, copan û gazî hêrişê karkeran kerd. Leşkeran 18 karkerî û 1 temsîlkarê sendîka destbend kerdî. 

 

Hêriş de wekîlî û rojnamegerî zî tede xeylêk kesî hetê cendirmeyan ra ameyî derbkerdene. 

 

Karkeran xeylêk reyî sloganê “Ma do bi xoverdayîşî ser bikewê” berz kerdî, çalakîya xo ya vernîya OSByî dewam kenê.