COLEMÊRG - Şubeyê ÎHDyî yê Colemêrgî serdayîşê endamê Meclîsê Dadîyê Aştîye yê Geverî kerd. 

 

Çarçewaya Hewteyê Heqê Merdiman de Komeleya Heqê Merdiman (ÎHD) ê Colemêrgî serdayîşê endamê Dadîyê Aştîye yê Geverî kerd.

 

Serdayîş de hemseroka ÎHDyî ya Colemêrgî Sîbel Çapraze qisey kerd. Sîbele sere de Dadîya Aştîye Adalet Safali, Perîşan Akçelîk û lajê ci Cîhan Akçelîkî û endamê Komeleya Huqûqnasê semedê Azadîye (OHD) ê Colemêrgî avûkat Erdal Safali yad kerd. 

 

Sîbele, dîyar kerd ke bi pêroyî dinya de şerêk est o û her tim zî dadî hemverê şerî de mîyanê hewldayîşî de bîyê û vat: "Semedo ke şer de tewr zêde dadî dej ancenê. Ma hewldayîşê Dadîyê Aştîye her tim zanê û waştişê înan zanê. Ma vanê ma do her tim verê waştişê Dadîyê Aştîye de bê."

 

Dadîyê Aştîye zî serdayîş de qisey kerd û vat: "Wazenê serra 2024ine biba serra azadî, aştî û aramîye.”