Melek Avci

 

ANQARA - Hemşaredara Sîlopî Adalet Fîdana ke bi heyetê Kongreyê Rayîrberîyê Herêmî û Konseyê Herêmî yê Ewropa (AK) reyde pêvînayîşo ke derheqê raporê qeyûman ke ameybî amadekerdiş de ca girewte wina vat: “Ma do reyna destûr nêdê tayînkerdişê qeyûman. Ma do şaredarîyê xo tepîya bigîrê û raşteyê xo hîra bikerê. Wa şikê tu kesî çinbo. Ma do bi morelêke gird cewabê wirdî deman bidê.”

 

Heyetê Kongreyê Rayrîberîyê Herêmî û Konseyê Ewropa yê Herêmî weçînayîşê 31ê Adare de ameybî zîyaretê Tirkîya. Heyetî, raporê derheqê qeyûmê ke dimayê 2019î ameybî tayînkerdiş pêşkêşê konseye kerd û dima ra zî seba pêşnîyarê ke dayî Tirkîya pê ameyî yan nê zî 20ê Teşrîna Peyêne de cigêrayîş kerd.  

 

Heyet, bi hemşaredarê Partîya Demokratîke ya Şaran (HDP) reyde ame têkişt û dîyar kerd ke do dimayê 2024î reyna seba cigêrayîşî bêrê. Hemşaredara Sîlopîye Adalet Fîdana ke bi heyetî reyde pêvînayîşan de ca girewte derheqê pêvînayîşan de û weçînayîşan de qisey kerd. 

 

Seba cigêrayîşkerdişê qeyûman zîyaretê AKyî 

 

Adalete dîyar kerd ke dimayê raporo ke hetê konseyê Ewropaye ra seba rayîrberîyê herêmî ameybî amadekerdiş, heyet seba cigêrayîşan ame zîyaret û wina vat: “Dimayê weçînayîşê 2019î qeyûm ameyî tayînkerdiş. Dimayê ci kombîyayîşê ma yê yewine bi Konseyê Ewropaye reyde pê ame. Reyna heyetêk awan kerdî. No heyet wextê weçînayîşan de ame Tirkîya û dimayê qeyûman cigêrayîş kerd. Wexto ke raporê xo pêşkêşê Konseyê Ewropaye kerdî, vatî ke qeyûm vera demokrasîye yo. Ame waştiş ke Tirkîya bi lezkî bêra raştkerdiş û seba demokrasîye game bêra eştiş. Heta no rapor seba ma pozîtîf netîce bî. Di serrî verê cû heyet Anqara de pêvînayîş pê ard. Bi partîyê sîyasî û HDPyî reyde pêvînayîş ameyî kerdiş. Amancê pêvînayîşê peyênan zî no bî. Di serrê derbazbîyaye de çi ame kerdiş do bêro ewnîyayîş.” 

 

‘Wezaret qeyûman ra berpirsîyar o’ 

 

Adalete da zanayîş ke heyet seba qeyûman wezîrîya karê zerreyî ra randevu waştiş kerd, la wezîrî bi bahaneyan betal kerd û wina dewam kerd: “Berpirsîyarê qeyûman wezîrîya karê zerre yo. Verê ke bêrî randevu girewtbî. La hewteyêk pêvînayîş rê mendbî betal kerdî. Bi bahaneyanê vengan betal kerdî. Wexto ke ma pîya pêvînayîş pê ard vatî ‘Çar serrî û nîme derbaz bîyo. Proses dewam keno. Çi ameyo bedişnayîş, wezîrîya karê zerrîyî randevu betal kerd.’ Verê ke heyet bêro raporan zanayêne ke seba çi do heyet bêro. Rapor verê cû AKyî ra derbaz bîyo, ci ra ver zî ameyo Tirkîya û rapor pêşkêş kerdî. La wezîrî randevu betal kerd.” Dimayê weçînayîşan do heyet reyna cigêrayîş bikero Adalete sewbîna bale ant serê bêhuqûqîyê serranê verênan û bêhuqûqîyê tayînkerdişê qeyûman û wina dewam kerd: “Dimayê weçînayîşan rayîrberî bedilîya. Wezîrîya karê zerre çi fikirîyeno. Acaba do wina dewam bikero. Cewabê nê persan çinî yo. 5 aşmî weçînayîş rê hema est o. Dimayê weçînayîşî do heyet reyna bêro Tirkîya û rewşe taqîp bikero.”

 

‘Do sindoqan de cewab bêro dayîş’ 

 

Adalete dîyar kerd ke semedê cewabê qeyûman bêro dayîş, ganî şar şêro serê sindoqan û vat: “Bê têkoşîn serkewtiş mumkin nîyo, destkewtiş mumkin nîyo. Belê, ma zîhnîyetî nas kenê û heqê ma destê ma ra gênê, îradeyê ma nas nêkenê. Bi di wexto ke qeyûman tayîn kenê û her kesî gênê. La ma tu wext fek têkoşînî ra vera nêda. Ganî ma wayîrê îdarekarîyê herêmî vejîyê. Wa şikê tu kesî çinbo ma do weçînayîşan de cewabê qeyûman bidê.”