Yeşîm Oruç

 

MERKEZÊ XEBERAN - Goreyê çeteleyê şîdetî yê ajansê ma aşma teşrîna peyêne de 36 cinî ameyî qetilkerdiş û mergê 23 cinîyan şikin o, 6 tutî ameyî qetilkerdiş û 7 cinî zî kiştiş ra xelisîyayî. 

 

Kurdistan û Tirkîya de dayeyê şîdetî yê hemverê cinîyan û qetilkerdişê cinîyan raştî nêmojneno û hûmare hîna zêde ya. Qetilkerdişê cinîyan û şîdetê hemverê cinîyan bi polîtîka û vatişê îqtîdarî reyde girêdayeyê. Polîtîkayê bêcezaverdayîşî zî qetilkerdiş û şîdetî rê rayîr akeno. 

 

Vera şert û mercê xiraban ê herêma erdlerzî de reyna zî paştîdayîşê mabenê cinîyan gird bî, la reyna zî cinî bîyî hedefê îqtîdar û camêrdan. Bi taybetî aşma adare de şîdetê hemverê cinîyan zêde bî. Kêmanîyê mekanîzmayan vera cinî nêeşkenê gerre bikerê û vengê xo berz bikerê. Sewbîna herêma erdlerzî de tutî zî para xo şîdetî ra girewtî û her hetî ra bêpawitiş ameyî verdayîş. 

 

Goreyê dayeyanê ke ma arê kerd aşma teşrîna peyêne de 36 cinî û 6 tutî ameyî qetilkerdiş. Mergê 23 cinîyan zî şikin o. Sewbîna 7 cinî zî kiştiş ra xelisîyayî.

 

Stenbol de 9, Mugla de 3, Îzmîr de 2, Bûrsa de 2, Çankiri de 2, Konya de 2, Mêrdîn de 2, Manîsa de 2, Kocaelî de 2, Edene de 2, Kayserî de yew, Riha de yew, Balikesîr de yew, Têkirdag de yew, Antalya de yew, Anqara de yew, Meletî de yew û Denizlî de zî yew cinî ameye qetilkerdiş.