STENBOL - ÎSÎGî dîyar kerd ke netîceyê cînayetê karî yê aşma teşrîna peyêne de 137 karkerî dinyaya xo bedelnayî.

 

Meclîsê Weşîye û Asayîşê Karî yê Karkeran (ÎSÎG) raporê xo yê cînayetê karî yê aşma teşrîna peyêne eşkera kerd. Rapor de ame vatiş ke aşma teşrîna peyêne de netîceyê cînayetê karî de 137 karkerî dinyaya xo bedelnayş û bi pêroyî mîyanê 11 aşman de hezar û 772 karkerî dinyaya xo bedelnayî.

 

ÎSÎGî da zanayîş ke se ra 20ê merdişan, semedê kewtişê warî, se ra 17 semedê maden û hezazî, se ra 17 zî semedê qezayê trafîkî û servîsan bîyê. Sewbîna ame neqlkerdiş ke cînayetê karî de 2 tutî û 7 multecîyê karkerî zî dinyaya xo bedelnayê.