MERKEZÊ XEBERAN - Tepişte Cemal Tanhano ke nêweşê kanserî bî, 43 rojan ra tepîya şî heqîya xo.

 

Zîndanê Boluyî de Cemal Tanhano (68) ke 30 serran ra nata tepişte bî, 23yê teşrîna verêne de seba ke felç bîbî wedarîyabî Nêweşxaneyê Dewlete yê Îzzet Baysalî û 27ê teşrîna verêne de zî sewqê Nêweşxaneyê Eskîşehîrî amebî kerdene.

 

Cemal 6ê teşrîna peyêne de vera dîyabî û nêweşxane de ameyêne tedawîkerdene. Cemalo ke asta çarine de kanser bîbî, prosesê tedawî de hînî nêeşkayêne qisey bikero. Cemalî 43 rojan ra dima nêweşxane de dinyaya xo bedilnaye.

 

'Ma qey babî mi bimiro do vengê ma bieşnawê?'

 

Kênaya Cemalî, Ayşe Tanhana ke aşmêkr verê ajansê ma rê qisey kerdebî û dîyar kerdebî rewşa babî aye her ke şino giran beno û reaksîyon vera bêvengiya ATKyî dabî. Ayşe waştibî ke babî ci lezkî tehlîye bibo û wina vatibî: "Ma qey babî mi bimiro do vengê ma bieşnawê?