Mîdye Miqted

 

HELEB - Cinî, Heleb de vera tecrîdî de vejîyayî raşteyan û dîyar kerdî ke ê do vera tecrîdî de timî raşteyan de çalakîyê xo dewam bikerê û vatî: “Ma ewro seba Rayberê xo payan ser de yê. Dewletê mîyanneteweyî baş zanê ke ewro fikrê Raybertî seba pêroyê problemê Rojhelatê Mîyanênî çareserî yo û coka ra tecrîd û cezayê newe kenê." 

 

Meclîsê Cinîyan ê Keyeyê Şehîdan ê Helebî seba azadîya Rayberê PKKyî Abdullah Ocalanî herikîyayê raşteyan. Bi seyan kes tewrê çalakîya rayîr ra şîyayîşê vera tecrîdî û seba azadîya Abdullah Ocalanî bîyî. Cinîyê ke tewrê çalakîye bîyî derheqê babete û rewşe de qisey kerdî. Cinîyê ke tewrê rayîr ra şîyayîşî bîyî wina vatî: “Heta dalpeyêk gonîye canê ma de biba ma do payan ser de bê û seba azadîya Raybertî xebatê xo dewam bikerê." 

 

Endama Meclîsê Cinîyan a Dezgehê Keyeyê Şehîdan Remzîya Îbrahîm Salihe tecrîdî şermezar kerd û vat: “Ewro ma herikîyayê raşteyan ke ma nê tecrîdê serê Raybertîye de yeno rayîrra berdiş, şermezar bikerê. Dinya pêro zana ke ewro 25 serrî yo ke tecrîdê serê Raybertîye dewam keno. Dewleta tirkan û dewletê mîyanneteweyî bi tecrîdkerdişê Raybertî wazenê ke pêroyê şaran fikrê Raybertîye ke ewro dinya de vila bîyo ra dûrî bifînê. La wa dewleta tirkan xo nêxapêna ke no waştiş do pê nêro.”

 

 'Ma bi fikrê Raybertî ciwîyenê' 

 

Remzîya dewamê qiseykerdişê xo de bale ant serê têkoşînê hempar û daîmî û wina vat: “Seba ke tecrîd raşte ra bêro wedaritiş ma her tim pîya xover danê. Eynî wext de ewro bi fikrê Raybertî ma ciwîyenê û xover danê. Ganî ma pîya wayîrê fikrê Raybertî bivejê. Ma bi fikrê Raybertî têkoşînê xo dewam kenê. Heta ke dalpeyêk gonîye canê ma de biba ma do her tim payan ser de bê û semedê azadîya Raybertî xebatê xo dewam bikerê.”

 

'Bi cezayê dîsîplînî wazenê vernîya fikrê Raybertî bigîrê' 

 

Remzîya da zanayîş ke tecrîd sucê merdimîye yo û wina dewam kerd: "Cezayê dîsîplînî yê ke dîyenê Raybertî reyna newe kenê. Ewro dewletê mîyanneteweyî cezayê dîsîplînî nêvînenê. Bi înan reyde wazenê ke ewro vernîya fikrê Raybertî bigîrê la vera hende çîyan reyna zî fikrê Raybertî dinya de vila bîyo.”

 

'Seba azadîya Raybertî ma payan ser de yê’ 

 

Endama Meclîsê Keyeyê Şehîdan Rexde Remedane dîyar kerd ke vera tecrîdî de her tim çalakîyan virazenê û vat: “Ma ewro seba Rayberê xo payan ser de yê. Dewletê mîyanneteweyî baş zanê ke ewro fikrê Raybertî seba pêroyê problemê Rojhelatê Mîyanenî, çareserî yo. Coka ra timî tecrîd û cezayê newe pê anê. Ma vera nê bêhuqûqîyan timî payan ser de yê.”