SÊRT - Cenazeya endama YJA-Starî Guler Ozbeya ke pêrodayîşê herêma Marûnisî de vejîya bi de dinyaya xo bedelnabî, ameye nimitiş.

 

Cenazeye Endama YJA-Starî Guler Ozbey (Nupelda Sêrt) ke pêrodayîşê 14 û 15ê êlule 2018ine herêma Katoyê Marûnisî yê qezaya Elkî ya Şirnexî de vejiyabi de, bi 4 hevalanê xo reyde dinyaya xo bedelnabî, dewa Lodî ya qezaya Dihî ya Sêrtî de ameye definkerdiş.

 

Wexto ke Gulere dinyaya xo bedelnaye, keyeyî rê xebere ameye şirawitiş û keyeyî zî nimûneyê DNAyî da. Cenazeya Gulere vera ke keye bêro xeberdarkerdiş, Colemêrgî de ameye definkerdiş. 29ê Teşrîna Peyêne de Midûrîyê Polîsan ê Colemêrgî, keyeyê Gulere gêra û dîyar kerd ke cenazeya Gulere Sazgehê Tibê Edlî (ATK) yê Stenbolî de ya. Keye, vizêr şi Stenbol û ATKyî cenazeye Gulere mîyanê nîm torbeyê cenazeyan de teslîmê keyeyî kerd.  

 

Cenazeya Gulere hetê keyeyî ra dewa Lodî yê Dihî de ameye definkerdiş.