AMED - Roniştişê dewaya endamê Komîteya Amedekarî ya Newroza 2021ine ya Amedî, ame taloqkerdiş. 

 

Bi sebebê pankart, dovîz, afîş û deyîranê Newroza 2021ine ya Amedî de ameyî akerdiş, bi îdiaya “Muxalefetê vera qanûnê hûmara 2911” endamê Komîteya Amadekarî ya Newroze de dewa amebî akerdiş. Roniştişê dewa 5ine Dadgeha Cezaya Pêroyî ya Amedî de ameye organîzekerdiş. Serekê Komîteya Amedkarî ya Newroze Îrfan Soner û endamê komîteye Hanîfe Kardaş, Mehmet Bakir û Zelal Bîlgîn tewrê roniştişî nêbî. Yûsûf Acaro ke dosyayêke bîn ra tepişte yo, bi rayîrî SEGBÎSî tewrê roniştişî bi.

 

Endamê komîteye avûkat Serhat Ozdemîr erdlerzê Mereşî ra dinyaya xo bedelnabi, coka dewaya ci fînabî.

 

Yûsûf Acar, roniştiş de vat ke tu çîyêk îfadeyê xo yê verê zêde bikero çin o û waşt roniştişan vareste bikero û beraet bibo. Avûkata Zelal Bîlgîn, Sîdar Gumuş zî da zanayîş ke do dimayê mutalaa pawitişê xo bikerê. 

 

Heyetê dadgehe qerar da ke Yûsûf roniştişan ra bêro varestekerdiş, qerarê tepiştişê Riza Barût ca bêro û roniştişê dewa taloqê 13ê adara 2024ine kerd.