MERKEZÊ XEBERAN - Grevê vêşanîye yê dore yê tepişteyanê sîyasîyan bi waştişê "Semedê Abdullah Ocalanî azadî, problemê kurdî rê çareserî" dest pêkerdibî, roja 4ine de dewam keno. 

 

Zîndanê Kurdistan û Tirkîya de tepişteyê sîyasî 27ê Teşrîna Peyêne de bi waştişê "Semedê Abdullah Ocalanî azadî, problemê kurdî rê çareserî" dest bi grevê vêşanîye yê dore kerdibî. Grevê vêşanîye roja 4ine de dewam keno. 

 

Do grevê vêşanîye heta 15ê Sibate dewam bikero. Tepişteyê ke grev de yê wazenê ke tecrîdê serê Rayberê PKKyî Abdullah Ocalanî wurzo û bireso azadîya xo ya fîzîkî.