AMED - Rojnamegere Derya Ren zî mîyan de 4 cinî, Zîndanê Padaye yê Cinîyan ê Amedî de dest bi grevê vêşanîye kerdî.

 

Tepişteyê sîyasî yê ke zîndanan de yê 27ê Teşrîna Peyêne de bi waştişê “Azadî Abdullah Ocalanî rê û problemê kurdî rê çareserî” dest bi grevê vêşanîye yê dore kerdî. Çarçewaya çalakî de rojnamegere Derya Ren, Şîlan Yilmaz, Hanîm Îş û Hêlîn Sayin yê ke Zîndanê Padaye yê Cinîyan ê Amedî de yê, dîyar kerdî ke semedê 10 rojan dest bi grevê vêşanîye yê dore kerdê.