Elfazî Toral

 

STENBOL - Endama Heyetê Edîtoran a Rojnameyê Jinepsî Seda Berzega ke yew îmzakara deklerasyonê ‘Venga Aştîye’ ya ard ziwan ke her wextî ra hîna zêde lazimî bi aştîya komelî est a û wina vat: “Însiyatîfê weçînayîşê Abdullah Ocalanî yê seba aştîye sere de destê şarê kurdî de yo. Ganî vîşêrê şarê kurdî yê bîn zî hurmet nîşanê nê çîyî bidî. Rolê yewine yê heme şaranê cografyaye yo. Ez venga heme şaranê ke seba aştîye têkoşîn kenê kena ke berpirsîyarîya ma hemeyan o ke ma zêde seba demokrasîye têkoşîn bikerê.” 

 

Serê azadîya fîzîkî ya Rayberê PKKyî Abdullah Ocalano ke 25 serrî yo Girawa Îmraliyî de binê tecrîdêk giran de yo û no zêdeyê 33 aşmî yo ci ra tu xeberêke nîna girewtiş û rolê ci yê awankerdişê aştîye de heme pêkerdişan ra reaksîyon yeno. 28ê Teşrîna Verêne de Stenbol de venga 78 îmzekarê deklerasyonê “Venga Aştîye” ame pêhesnayîş. Deklerasyono ke sîyasetmedar, akademîsyen, hunermend, nuştox, rojnameger, kaybaz, roşnvîr û xeylê kesî zî mîyan de ca gênê de ame vatiş ke tecrîdo girankerde yê serê Abdullah Ocalanî ganî peynî bibo, azadîya ci ya fizîkî bêra meşrukerdiş û ame vatiş ke çareserîya problemê kurd ê demokratîke de ganî muhatap bêro girewtiş. 

 

Endama Heyetê Edîtoran a Rojnameyê Jinepsî Seda Berzega ke yew îmzekarê Deklerasyonê "Venga Aştîye" ra ya, JINNEWSî rê ercnayîş kerd. 

 

'Her wextî ra hîna zêde lazimî bi aştîya komelî est a!' 

 

Sedaye dîyar kerd ke înan îmzeya xo dayî deklerasyono ke Tirkîya û Rojhelatê Mîyanenî de aştîya komelî pê bîyara û vat ke aştî seba heme şaran lazim a. Sedaye da zanayîş ke her wextî ra hîna zêde lazimî bi aştîya komelî est a û vat ke hemverê polîtîkayê şerî de ganî aştî pê bêra. Sedaye wina dewam kerd: “Vera Polîtîkayê Şer û Tecrîdê Polîtîkayê Aşitî û Azadîye de hetê aştî û vera şerî de bîyayîş prensîb o."

 

'Her şert û mercî de ganî ma aştîye bipawî' 

 

Sedaye ard ziwan ke nizdîbîyayîşê şarî ê seba aştîye vera şerî de girêdayeyê şarêk tena nîyo û vat: “Eke wina bibo ma do bîyayêne netewperest. Eke ma aştîye bipawî ganî ma her şert û mercî pawitişê ci bikerî. Pawitişê aştî û demokrasîye seba heme şaran muhîmîyêk gird o. Polîtîkayê şer ê hukmatê AKP-MHPyî bîyo sebebê krîzêk ekonomîye. Netîceyê zêdekerdişê butçeya şerî de merdim yenê kiştiş. Kesê ke esasê xo de hetgirê merdimayî û cuye yî, do na lazimîye hîs bikerî. Meqsed no yo ke rêxistinê heme beşê komelî yê ke mîyanê xo de pawenê na lazimîye bizanî.”

 

Rolê sereke yê pêro şaran o! 

 

Seda dîyar kerd ke eşkerayîya “Venga Aştîye” do mesajê bingehîn ê aştîye yo û vat, “Şer tesaduf nîyo û ganî her şert û mercî de aştî bêra pawitiş. Çarenûsa eşkerayîyêke semedê yew cografya, yew şarî, yew mexdûriyetî çin o, peyîn sey eşkerayîye mendiş o. Hemverê pêro polîtîkayê şerî rolê sereyîn ê şarî yo û tenê yê şarêk nê, rolê pêro şarê serê cografyayêke de ciwîyenê yo. Berpirsîyarîya ma pêrûyan ke semedê zêdeyêr demokrasî ma têkoşîn bidê û ganî pêro şar têkoşîn bikero." 

 

 'Semedê Abdullah Ocalanî însîyatîfî sere de yê şarê kurdî yo' 

 

Seda muhîmîya rolê Rayberê PKKyî yê semedê awankerdişê aştîye ercna û vat, "Însîyatîfê weçînayîşê Rayberê PKKyî Abdullah Ocalanî semedê aştîye sere de yê şarê kurdî yo. Ganî vîşêr şarê kurdî yê bînî zî rêze nê bigîrê. Demokrasî, têduştî, azadîya şaran, têduştîyê cinsî ne şarêk, ne cinsêk û ne zî sinifêke yo. Ganî her ca de binê her şert û mercî de bi her ziwanî nê waştişan rê destek bêro dayîş. Vatişê peyîn yê waştişê azadîye semedê rayberê şaran ê bi xo yo."