MERKEZÊ XEBERAN - TJK-Eyî çalakîyanê 25ê Teşrîna Peyêne silam kerd û vat: “Ma do bibê serkêşê vurnayîş û vurnayîşêk tewr xurt.”

 

Têgêrayîşê Cinîyanê Kurdan ê Ewropayî (TJK-E) eşkerayîyêke nuşteyî da û vat: “Têgêrayîşê Azadîye yê kurdî mojnayo ma ke cinî şer kenê, xo bi rêxistin kenê û serkêşî kenê, cuye de bedew benê.”

 

Eşkerayîye de ame vatiş ke Rayberê PKKyî Abdullah Ocalanî dîyar kerdo xilasîya komelî tenê bi azadîye mumkin o û ame vatiş ke felsefeya ‘Jin Jiyan Azadî’ ewro resayo sewîyeyêka gerdûnî.

 

Dewamê eşkerayîye wina yo: “Hemleyê ‘Ma bi Jin Jiyan Azadî ver bi şorişî de rayîr ra şinê’ û ‘Abdullah Ocalanî rê azadî, problemê kurdî rê çareserîya sîyasî’ xeylêk welatan de hetê xeylêk akademîsyen, profesor û sîyasetmedaran ra ameyo deklarekerdiş.

 

25ê Teşrîna Peyêne cinîyan seranserê dinya de her çar parçeyê Kurdistanî û Ewropa de zî bi reng, pankart, slogan û tilîliyê xo raşte pirr kerdî. Pêro cinîyan mesajê ‘Azadîya Rayber Apo, azadîya ma ya’ dayî.

 

Ma cinîyê TJK-Eyî dîyar kenê ke do bibê serkêşê vurnayîşî û vurnayîşêk verî ra tewr xurt.”