AMED - Bi wesîleya 25ê Teşrîna Peyêne sîyasetmedaranê tepişteyan ra Ayla Akat Ataye mesajêk weşana û vat: “Ma ferqê ci de yê, vatişê ke ma bivajê est ê, ma zanê ke ma do bibedilnê, ma do qetî ser bikewê. Jin jiyan azadî.”

 

Sîyasetmedara kurde û aktîvîsta Têgêrayîşê Cinîyê Azade (TJA) Ayla Akat Ataya ke Zîndanê Cinîyan ê Sîncanî de yena tepiştiş, çarçeweya 25ê Teşrîna Peyêne Roja Têkoşînê Vera Şîdetê Serê Cinîyan bi rayîrê avûkatanê xo serê hesabê xo yê dîjîtale ra mesajêk weşanaye. 

 

Aylaye mesajê xo de wina vana: “Ma ferqê ci de yê, vatişê ke ma bivajê est ê, ma zanê ke ma do bibedilnê, ma do qetî ser bikewê. Jin jiyan azadî. 

 

Dimayê demêk derg û dila her kesî rê merhaba! Tepiştebîyayîş û çinîbîyayîşê îmkanê teknîkî vera çi heyfo ke îmkanê mi nêvirazîya ke serê nê platformî ra mesajêk bişirawa. Baş o ke 25ê Teşrîna Peyêne ra vera îmkanê mi virazîya. Sey aktîvîst û sîyasetmedarêka cinî ke bîya nesneyê şîdetê hukmî, têkoşînê xo yê vera her tewirê şîdetê serê cinîyan û qerardayîra xo ya girdkerdişê paştîdayîşî reyna kena. 

 

Ez bi nê notê xo yê kilm ke mi salona roniştişê Dewaya Kobanê de nuşt bi wesîleya 25ê Teşrîna Peyêne ez zerrîya heme cinî û wayê xo yê ke vera şîdetê serê cinîyan de nizdîbîyayîşê xo mojnenê û heme cinîyê hem salone û hem zî çalakîyê raşteyan de yê maç kena. Ma ferqê ci de yê, vatişê ke ma bivajî est ê, ma zanê ke ma do bibedilnê, ma do qetî ser bikewê. Jin jiyan azadî.”