AMED - Roniştişê dewaya sîyasetmedare Aysel Tûglûk ke bi îdiayê “endamîya rêxistine” yena muhakemekerdiş, bi sebebê “sûcdarî reyna yo” qerarê redkerdişê dewa ameye dayîş. 

 

Cezaya zîndanî ya 10 serran ke sîyasetmedar Aysel Tûglûk rê amebî birnayîş semedê nêweşîya demansî amebî taloqkerdiş. Roniştişê dewa derheqê Aysele de bi îdiayê endamîya rêxistine ameyo akerdiş, 4ine Dadgeha Cezaya Giran ya Amedî ame organîzekerdiş. Aysele semedê nêweşîya xo tewrê roniştişî nêbî. Avûkata aye Serdar Çelebî roniştiş de amade bi. 

 

Dewa ameye redkerdiş

 

Avûkat Serdarî, ard vîr ke cezaya muwekîla ey semedê nêweşîya demansî ameya taloqkerdiş. Serdarî, waşt ke îfadeyê Aysele nêro girewtiş û semedê nêweşîye muhakemekerdişê muwekîla ey bêro vindarnayîş. Dozgerî, waşt ke waştişê avûkat Serdarî nêro qebûlkerdiş û muhakemekerdiş dewam bikero. 

 

Dadgeha ke waştişê vindarnayîşê muhakemeyî û nêgirewtişê îfadeyî qebûl nêkerd, qerar da ke sûcdarîyê dewaya Aysele ke dosyaya Kongreya Komela Demokratîk (KCD) de 10 serrî cezaya zîndanî ci rê birnayî û dosyaya bîyaye eynî yê. Dadgehe bi nê sebebî qerarê redkerdişî dewa da.