AMED - Komeleya Cinîyan a Rosaye û TJAyî Bismil de hemverê şîdetî komxebat organîze kerd. Komxebate de bale antî serê polîtîkayê şerê taybetî û Avûkata Komeleya Cinîyan a Rosaye Elîf Tîrenç Îpek wina vat: “Hemverê polîtîkayê şerê taybetî de ganî ma xopawitişê xo xurt bikerê”

 

Bi wesîleya 25ê Teşrîna Peyêne Roja Têkoşînê Vera Şîdetê Serê Cinîye, awanîya Partîya Şaran a Têduştî û Demokrasî (HEDEP) ya Bismilî ya qezaya Amedî de bi serkêşîya Komeleya Cinîyan a Rosaye û TJAyî hemverê şîdetî de komxebat organîze kerd. Partîya Heremê Demokratîke (DBP), Partîya Demokratîke ya Şaran (HDP) tewrê komxebate bîyî. Komxebate de pankartê “Bîyayîşê cinî, bîyayîşê cuye yo” û “Jin jiyan azadî” aliqnayî.

 

Avûkata Komeleya Rosaye Elîf Tirenç Ipek komxebate de serê sernameyê "hemverê şîdetî de heqê cinîyan yê fermî", "mekanîzmayê ke muracatê înan bêro kerdiş", "politikayê şerê taybetî" û "xopawitişî" de vindertî.

 

Komxebat bi pirsên beşdarvanan bi dawî bû