Dîlan Babat - Oznûr Deger

 

ANQARA - Endama Heyetê Merkezî ya Îdarekarîya Herêmî ya Demokratîke Xecê Kîye ke tewrê konferansê îdarekarîya herêmî yê HEDEPî bî da zanayîş ke vera înkarkerdişê kurdan bi îdîayê serkewtişî xo hadre kenê. 

 

Partîya Têduştî û Demokrasîyî ya Şaran (HEDEP) bi sloganê ‘Bi Jin Jiyan Azadîye reyde ver bi îdarekaya herêmî’ 11ê Teşrîna Peyêne de Anqara de Konferansê Cinîyan ê Îdarekarîya Demokratîke yê Cinîyan pê ard. Endama Heyetê Merkezî ya Îdarekarîya Herêmî ya Demokratîke Xecê Kîye ke tewrê konferansê îdarekarîya herêmî yê HEDEPî bî, tesîrê sîyasetê qeyûman ê serê polîtîkayê şerî ercnaye.

 

‘Bedelê giran serra 2014î de bi hemserekatîye tacîdar bî’ 

 

Xecêye da zanayîş ke Tirkîya de serra 2016î de bi destê qeyûman caardişêk newe dest pêkerdo û no sey rejîmê qeyûmî ameyo bi namekerdiş. Xecê wina vat: “Serranê 70-80î de xebatê ke hetê Edîp Solmazî ra (şaredarê Êlihî 12ê teşrîna peyêne serra 1979î de ame qetilkerdiş) dîyayî destpêkerdiş serra 2014î de bi 102 şaredarîyî vejîya merheleya cor. Na xebate de cuyêka newe ame honayîş. 78an ra heta nika bedelê giran ameyî dayîş û serra 2014î de bi hemsekeratîye ame tacîdarkerdiş. Na cuya ke ma wazenê awan bikerê de ma waşt cinî, ciwan, tut û komelî bivînê. Serra 2014î ra heta serra 2016î no pê ame. Her cayê Kurdistanî de ame dîyîş. Seba tutan merkezê perwerdeyîyê ziwan ameyî akerdiş. Seba cinîyan keye ameyî akerdiş. Keyeyê kulturî ameyî akerdiş.” 

 

‘Bîyayîşê xo serê înkarê kurdan de dewam kenê’

 

Xecêye dîyar kerd ke îqtîdaro bîyaye bîyayîşê xo serê înkarê kurdan de dewam keno û qiseykerdişê xo wina dewam kerd: “Kurdistan de cuyêka azad, têduştî û polîtîkî vera sîstemî de ameya awankerdiş. Serra 2016î de no resa merheleyêk cor. Serra 2016î de sîstem nê çîyî dî û hewl da ke bîyayîşê xo serê înkarê kurdan de dewam bikero. Eke kurdî çinî bibê, ê est ê. Coka ra konseptê şerî kerdî dewre. Heme bajarê Kurdan, Cizîr, Sûr, Gever, Şirnex de bajar ameyî rijnayîş. Şerê lêşin reda tewr cor. Bi tayînkerdişê qeyûman sere de destkewtişê cinîyan hedef ameyî girewtiş. Merkezê cinîyan ameyî girewtiş. Camêrdî ameyî tayînkerdiş.” 

 

‘Wazenê bêexlaqî û riznayîşî vila bikerê’ 

 

Xecêye bale ant serê sîstemê hemserekatîye û wina qiseykerdişê xo peynî kerd: “Sîstemê hemserekatîye bi kedêke zaf gird ame destfînayîş. Dimayê serra 2016î polîtîkayê şerê taybetî kerdî dewre. Na polîtîka resaya merheleya cor. Netîceyê nê polîtîkayan de destkewtiş, qetilkerdiş, înkarkerdişê cinîyan ameyî ciwîyayîş. Waştî ke bi nê metodan cinîyan bifînê. Wazenê bêexlaqî û riznayîşî mîyanê komelî de vila bikerê. Wazenê cinîyan çinî bikerê. Dewlete waşt sîstemê xo serê nê çîyî de awan bikera. Coka ra serra 2016î ra tepîya serra 2019î de zî qeyûm ameyî tayînkerdiş. La embazê ma vera nê caardişan de qet fek têkoşînê xo ra nêverdayî. Ma vera înan polîtîkayan de xebata xo rayîr ra benê. Hîvîdara ke konferansê ma bibo wesîleya azadîya Birêz Ocalanî. Ma bi hêvî ewnîyenê vernîya xo û xebata xo rayîr ra benê. Ma do ser bikewê.”