MERKEZÊ XEBERAN - Semedê tecrîdê serê Rayberê PKKyî Abdullah Ocalanî wurzo û azad bibo welatijê Şirnexî semedê Rayîr ra şîyayîşê Azadîye vejîyayî serê rayîrî. 

 

Rayberê PKKyî Abdullah Ocalan ra bi 32 aşmî yo agahî nîna girewtiş. Hemverê tecrîdê giran û semedê azadîya fîzîkî ya Rayberê PKKyî Abdullah Ocalanî Partiya Herêm Demokratîke (DBP), Têgêrayîşê Cinîyanê Azadan (TJA), Partiya Têduştî û Demokrasî yê Şaran (HEDEP) û Federasyonê Komeleyê Paştdayîşê Huqûqî yê bi Keyeyê Tepişte û Hikûmwerdoxanî yê Medî (MED TUHAD FED), MEBYA-DER  “Rayîr şîyayîşê Azadîye” organîze kenê. 

 

Şirnex

 

Welatijê Cizîra Şirnexî bi hawayêkê girseyî, bi coş ver bi Amedî kewtî rayîr. Vernîya kewtişê rayîrî de girseyî eşkerayîye da. Serê nameyê gireseyî de parlamenterê HEDEPî yê Şirnexî Mehmet Zeki Yilmaz eşkerayîye da. Mehmetî da zanayîş ke bi 25 serrî yo tecrîdê ser Rêberê PKKyî Abdullah Ocalanî dewam keno û vat: "Ma hemverê tecrîdî hemleyêk da destpêkerdiş. Her çiqas astengî virazîyo zî ma ver bi  Gemlîkî de şinê. Ma nêvindenê û berê xo bi Îmraliyî akenê. Ma do tîya ra şêrê Amed û uca ra bi hawayêkê girseyî şêrê Gemlîk. Her kesê ke heqê merdiman û azadî pawenê wa tewrê nê rayîr ra şîyayîşî bibê. Eke no tecrîd wurzo û aştî û demokrasî do bêro."

 

Eşkerayîye bi sloganê "Bê serek cuye nêbena","Tecrîdê rê nê" û bi tilîliyan peynî bî.

 

Riha

 

Riha de zî semedê tewrê Rayîr ra şîyayîşê Azadîye bibê qezaya Cûrnê Reş de kom bîyî. Heta ke şarî amadekarîyê xo temam kerd, sloganê sey "Biciwîyo Serek Apo" û "Bê Serek cuye nêbeba" berz kerdî. Dimayê amadekarîyan welatijî wesayîtê xo espar bîyî û semedê beşdarê rayîr ra şîyayîşê Amedî bibê, verê xo dayî merkezê Amedî.