AMED - Aktîvîsta TJAye Medya Alkane derheqê sucê ke polîs û leşker vera cinî û tutan de kenê, qisey kerd û vera nê sucan de kerdoxî senî bi cezayê sey xelate yenê cezakerdiş û no zî vernîya sucan akeno de ercnayîş kerd. 

 

Kurdistan de çarçeweya polîtîkayê şerê taybetî de vera cinî û tutan de şîdet yeno kerdiş û vera şîdetî de zî polîtîkayê bêcezaverdayîşî pê yenê. Bi taybetî îqtîdar û hukm leşkerê şikinan pawenê û kesê ke şîdet vînenê û kesê ke vera nê caardişan de vengê xo berz kenê yenê cezakerdiş. Şirnex de derheqê cinîyê ke seba Pakîstan Demîre tewrê rayîr ra şîyayîşî bîyî de dewa ameye akerdiş. Aktîvîsta Têgêrayîşê Cinîyê Azade (TJA) Medya Alkane qisey kerd. 

 

 ‘Cinî vera polîtîkayê şerê taybetî yê’ 

 

Medyaye dîyar kerd ke sebebê bêcezaverdayîşê leşker û polîsê şikinan polîtîkayê şerê taybet ke bi destê dewlete yeno kerdiş o. Medyaye wina vat: “Ma sey TJAye vera nê de têkoşîn kenê. Polîtîkayê şerî bi taybetî verê xo dano welatparêzan. Kurdistan de polîtîkayê vengkerdişê herême yeno rayîr ra berdiş. Vîşêrê nê înan ma zanenê ke heme destbendkerdişî bi zanayîş yenê kerdiş û cezayê cidî yenê dayîş. Çarçeweya kampanyaya ke ma daya destpêkerdiş de amanc kenê ke şar bibo wayîrê fehmî.”

 

 ‘Dewlete kesê ke vengê xe berz kenê hedef gêna’ 

 

Medyaye dewamê qiseykerdişê xo de bale ant serê polîtîkayê bêcezaverdayîşî û wina dewam kerd: “Qorîcî kişta bêcezaverdayîşî de yenê xelatkerdiş û vejenê merheleya cor. Ma zananê ke no bi kam ci amancî yeno kerdiş. Musa Orhan destdergê bi Îpek Ere kerd û bê ceza serbest ame verdayîş. La kesê ke vengê xo vera nê de berz kerdî ameyî cezakerdiş. Bi nê caardişan wazenê çimê ma bitersnê. No hetê dewlete de bi zanayîş yeno kerdiş.” 

 

 Çareserî fehmbîyayîş o! 

 

Medyaye derheqê perwerdeyîyê ke çarçeweya kampanyaya înan de yenê dayîş de zî ercnayîş kerd û vat: “Perwerde hem seba cinîyan û hem zî seba têmîyan esto. Çapemenî eşkena bi fehmkerdişî vernîya caardişê şerê taybetî bigêra. Tersê tewr gird ê îqtîdarî cinî ya. Coka ra zî hêrişê cinîyan keno. Dewlete hêzê cinîyan zana. Coka ra hêrişê xo zêde kena.”

 

 ‘Yewîye do ma biba serkewtişî’ 

 

Medyaye venga heme cinîyan kerd û wina vat: “Ma hewteyo ke leşker û polîsê kerdoxî nêameyî cezakerdiş û ameyî xelatkerdiş ra derbaz bîyî. Kerdoxî bi destê dewlete yenê xelatkerdiş. Seba dewamê nê çîyî bêro, kerdoxî yenê xelatkerdiş. Mo do dewayan taqîp bikerê û seba ke ceza bêra dayîş ma do israrê xo dewam bikerê. Ez heme cinîyan dawetê perwerdeyîyê çarçeweya kampanyaye de yenê dayîş kena. Yewîtî do ma biba serkewtişî. Jin Jiyan Azadî...”