RIHA - Semedê "Rayîr ra şîyayîşê Azadîye" ke do 18ê Teşrîna Peyêne de bêro organîzekerdiş, Pirsûs de kombîyayîşê şarî ame organîzekerdiş û venga tewrbîyayîşî ame kerdiş. 

 

Rêxistina Partîya Têduştî û Demokrasî yê Şaran (HEDEP) ê qezaya Pirsûsî, semedê rayîr ra şîyayîşê 18ê teşrîna peyêne ke do Gemlîk de bêro organîzekerdiş, kombîyayîşê şarî viraşt. Kombîyayîş  bi rêzgirewtişî awanîya qeza de ame destpêkerdiş bi kurdkî û tirkî pankartê “Birêz Ocalan rê azadî, problemê kurdî rê çareseriya demokratîke” ame daliqnayîş. 

 

Endamê Meclisê Partiya Demokratîk ê Şaran (HDP) Salîh Mevalî kombîyayîş de bale ant serê tecrîdê hemverê Rayberê PKKyî Abdullah Ocalanî yeno kerdiş. 

 

Aktîvîsta Têgêrayîşê Cinîyanê Azadan (TJA) Adîle Fîdan zî nê çî vat: “Şexsê birêz Ocalanî de wazenê vengê kurdan û Kurdistanî birna. Semedê yewin fikrê şarê Rojhelatê Mîyanên rê azadî bîyaro fikrê birêz Ocalanî yo. Bêvengîya komelê mîyanneteweyî semedê nê çî yo. Nê çî zanê semedê nê tecrîd rayî ra benê. Nê semedî ra ganî taybetî zî cinî, wayîrê Rayîr ra şîyayîşê Gemlîkî vejîyê.”