RIHA - Qezaya Kanîya Xezalan de Fîdda Uzun a diganî hetê camêrêdê Ahmet Uzun ke ey reyde zewicnaye bî, ameye qetilkerdiş.

 

Taxa Çomlekçî ya qezaya Kaniya Xezalan ya Rihayî de keyeyê Uzunî de vengê çekan ame eşnawitiş. Serê eşnawitişê vengî, leşker û tîmê weşîye şîyî cayê hedîse. Tîmê weşîye zerreyê keyeyî de ferq kerdî ke Fîdda Uzun (24) ya diganî ameya kiştiş. Leşkeran baxçeyê pey keyeyî de hêrişkar Ahmet Uzunî bi hacetê ke pê sûc kerdo, destbend kerd. Ahmet Uzun ke ame destbendkerdiş, xo mikûr ame ke sûc kerdo. 

 

Qerreqolê leşkerî de karûbarê îfadegirewtişê Ahmet Uzunî dewam keno.