MÊRDÎN - Hemverê gorê Ahmet Kaymaz û lajê ey Ûgûr Kaymaz ke Qoser de amebî qetilkerdiş, hêriş kerdî. 

 

Ahmet Kaymaz û lajê ey Ûgûr Kaymazo ke 12 serre bi, qezaya Qoserê Mêrdînî de 21ê teşrîna peyêne 2004 de, verê berê keyeyê xo de netîceyê gulevaranî de amebî qetilkerdiş. 13 gule vera dabî bedenê Ûgûr Kaymazo 12 serreyî. Hemverê gorê Ahmet Kaymaz û lajê ey Ûgûr ke goristanê taxa Pirîketa de hetê kes yan zî kesê nêdîyar ra hêriş ame kerdiş. Hemverê kêlike gorê Ahmet Kaymazî de hêriş virazîya yo û kêlika ey şikinayî. Ame zanayîş ke vizêr hêriş ameyo kerdiş û dimayê ke welatijan gor viraşt agahî dayî keye. 

 

'Bi 19 serrî yo ez edalet wazena'

 

Makbûle Kaymaze hêrişê hemverê gorê lajê xo û mêrdeyê xo şermezar kerd û dîyar kerd ke hêrişê hemverê gorê înan ameyo kerdiş û no hêriş nêzdîyê serrgêra qetlîamî ca ameyo tesadûf nîyo û vat: “Bi 19 serrî yo ez edalet wazena. La mi edalet nêdî. Nika zî hêrişê gorê lajê mi û mêrdeyê mi kenê. Keyeyê şarê ma awan bo. Senîn dîyê ke gor ameyo xirakerdiş, şîyê viraştê û dima ra venga ma dayî. Wayîrê Ûgûr û pîyê ci vejîyayî. Kurdan gorê înan de zî rehet nêverdenê. La çi beno wa bibo ma do hesab faîlan ra bipersê.”