STENBOL - Qezaya Sultangazî de Tuncay Sag ke Pinar Bektaşa reyde zewicnaye bî û yewbînan vera dabî, bi hacetê birnaye qetil kerd.

 

Taxa Gazî ya qezaya Sultangazî ya Stenbolî de vizêr  saete 18.30 de Tuncay Sago ke nêzdîyê serrêke yo Pınar Bektaşe vera dabi, bi hacetê birnaye qetil kerd. Bi agahdarkerdişê cîranan ekîba weşîye û polîsî ameyî cayê hedîse. Dimayê cigêrayîşê ekîbe dîyar bi ke Pinare dinyaya xo bedelnaye.

 

Semedê otopsî cenazeya Pinare berdîya Dezgehê Tibî yê Edlî.

 

Ame zanayîş ke kerdoxo ke hetê polîsan ra destbend bi, îfadeyê ci yê emnîyetî dewam keno.

 

Dîyar bi ke do cenazeya Pinare Cemevîyê Gazî de bêro wedaritiş û dima ra bêro definkerdiş.