MERKEZÊ XEBERAN - Rêxistina Nûdeme seba tutanê astengdaran dewreyêk perwerdeyî yê muzîk, resîm û kayê cîya cîyayî akerde. 

 

Rêxistina Nûdeme seba tutanê astengdaran dewreyêk perwerdeyî yê muzîk, resîm û kayê cîya cîyayî ke do no perwerde 40 rojan dewam bikero, akerde. Perwerde bi amancê ke astengdarî zî mîyanê komelî de bieşkê xo îfade bikerê, dest pêkerd. 

 

Perwerde Parkê Ronîwarî ke mîyanê xo de bi desan tutan hewêneno de dest pêkerd. Rayîrbera Cakerdişî ya Rêxistina Nûdeme ya Bakur û Rojhelatê Sûrîyeye Davîyan Mehmûde qisey kerd û vat: “Projeyê ma yê bi nameyê ’Pirêk ver bi Kobanê ra’ dest pêkerd. Projeyê ma de do perwerdeyê tutanê astengdaran heme hetan de bêro dayîş. Do dar zî seba tutanê astengdaran bêrê ronayîş. Do no proje 40 rojan dewam bikero.”

 

Hemserekê Fakulteya Edebîyatî yê Unîversîteya Kobanê Mihemed Berho zî dîyar kerd ke unîversîteya Kobanê zî tewrê projeyê Rêxistina Nûdeme ya semedê tutanê astengdarî bî û vat: "No perwerde zî xo reyde averşîyayîşêk tutanê astengdar reyde pê ano. Perwerdeyê ma hetê kadroyê unîversîteya Kobanê û kesê pisporan reyde yeno kerdiş. No perwerde do 40 rojî derg bikero û do averşîyayîş bi xo reyde bîyaro."