MÊRDÎN - TJAye vera serbestverdayîşê çawişê pispor Eyup K.yî ke Nisêbîn de destdergê bi çar tutan kerdbî de eşkerayî da û rayîr ra şîyayîş viraşt. 

 

Têgêrayîşê Cinîyanê Azade (TJA) vera serbestverdayîşê çawişê pispor Eyup K.yî ke Nisêbîn de dest dergê bi çar domanan kerdbî de Stîlîliyê Nisêbînî de eşkerayî da û rayîr ra şîyayîş viraşt. Dadîyê Şeme, Aktivîstê TJAye, Rêxistina HDPyî ya Mêrdînî, parlamentera HEDEPî Bêrîtan Guneş û xeylê cinîyî bajar ra tewrê eşkerayî bîyî. Eşkerayîye ke ame dayîş de pankartê "Do çeteleyê tecawuzkar hesab bidê" ame akerdiş. 

 

Metnê bi kurdî hetê Hemsereka HDPyî ya Nisêbînî Şîndar Akinciye ra ame wendiş.

 

'Ma sozê pîlkerdişê serewedaritişê danê' 

 

Şîndare da zanayîş ke Nisêbîn de çawişê pispor Eyup K. mabêne nîsan û tebaxe de destdergî 4 tutan kerdo û roniştişê ewilî 31ê teşrîna verêne de ameyo tehliyekerdiş. Şîndare pawitişê avûkatî kerd ard vîr û vat pêwa na hedîse Kurdistan de bi seyan hedîseyê wina qewimîyenê. Şîndare da zanayîş ke no zî bi hawayêkê sîstematîk hemverê cinî û tutanê kurdan yenê kerdiş û vat 100ine serrgêra Peymana Lozanê de serê cinîyan de polîtîkayê tewir bi tewir yenê rayîr ra berdiş. Sewbîna Şîndaye vat do bi munasebetê 25ê Teşrîna Peyêne Roja Têkoşînê hemverê Şîdetî serê Cinî ê sozê pîlkerdişê serewedaritişî danê. 

 

 Eşkerayîye bi sloganê  “Jin jiyan azadî” peynî bî. 

 

Dimayê eşkerayîye cinîyan bi sloganê “Destê xo serê tutan biancê” rayîr ra şîyayîş organîze kerd.