WAN - Yeno astengkerdiş ke Pakhshan Azizi ya tepişteya siyasî ke Zîndanê Evînê de yena tepiştiş bi keye û avûkatanê xo reyde pêvînayîş bikera. 

 

Aktivîst û siyasetmedar Pakhshan Azizi ya kurd Mahabad de 13ê Tebaxe de hetê ajanê teşkîlatê îstixbaratê Tehranî ra ameye tepiştiş û şirawîyaye qawişê 209an a zîndanê Evînê. Yeno astengkerdiş ke Pakhshana ke no 3 aşmî yo zîndan de ya bi keye û avûkatanê xo reyde pêvînayîş bikera. Pakhishane bi endamtîya PJAKî yena muhakemekerdiş. 

 

Verê cû zî ameybî tepiştiş 

 

Aktivîst û siyasetmedar Pakhshan Azizi beşê komelî yê Unîversîteya Tehranî ra mezun bîye. 25ê Teşrîna Peyêne ya 2008î de zî Pakhshane unîversîte de vera înfazê siyasî yê Kurdistanî de tewrê çalakîya şermizarkerdişî bîbî û ameybî tepiştiş. Dimayê 4ê aşme bi kefaletî serbest ameybî verdayîş. Aye wext Pakhishane Îranî ra vejîyabî û şîbî Başûrê Kurdistanî.