AMED - Roniştişê Mudura Karê Nuşteyî yê Ajansê ma Safiye Alagaş de, waştişê avûkatan ê wedaritişê qedexeyê tebervejîyayîşê teberê welatî ame redkerdiş û roniştiş taloqê demêk dima ame kerdiş.

 

2yîn roniştişê dewaya ke derheqê Midûrê Karê Nuşteyî yê JINNEWSî Safiye Alagaş de bi îdiayê "endamê rêxistine" 5ine Dadgeha Cezaya Giran ya Amedî de ame vînayîş. Safiye û avûkatê aye Resûl Temur û Pirozhan Karali tewrê roniştişî bîyî, avûkate Georgia Canura û Carolina Saad, endamê Komeleya Rojnamegerê Cinî yê Mezopotamyaye (MKG), Komeleya Rojnamegerê Dîcle Firatî (DFG), Weqfê Clonney semedê Edaletî yê Hollandayî. Semedê paştdayîşî salone de cayê xo girewtî.

 

Safîye da zanayîş ke nê qonaxî de çîyêk ke vaja nêmendo.

 

Îadeya materyalan ame waştiş

 

Avûkat Resûl Temûr îdia kerd semedê ke muwekîla ey rojnameger a, teberê welatî de kombîyayîşêk ke aye semedê rojnamegerî ameya dawetkerdiş esto û waşt qedexeyê vejîyayîşê teberê welatî muwekîla ey bêro wedaritiş. Sewbîna Resûlî waşt ke malzemeyê dijîtalî yê wextê destbendkerdişî de sereştişê keye muwekîla ey û ajansê JINNEWSî de ameyî desteserkerfiş zî bêrê açarnayîş.

 

Avûkat Pîrozhan karali zî eynî waştiş kerd û waşt ke kêmîyê bîyaye bêrê temamkerdiş.

 

Heyetê dadgehe dîyar kerd ke semedê îdakerdişê meteryalê dijîtal do paweyê qerarî bê û waştişê wedaritişê qedexeyê teberê welatî red kerd.

 

Dadgehe, roniştişî taloqê 22yp Sibata 2014ine kerd.