ANQARA - Parlamenteranê HEDEPî bi leçega sipî û qerenfîlan tewrê pêvînayîşê butçeyî yê Wezaretê Zerreyî bîyî û hêrişê serê Dadîyê Şemeyî û Dadîyê Aştîye şermezar kerdî.

 

Komîsyonê Butçe û Planê Meclîsî de pêvînayîşê "Teklîfê Qanûnê Butçeyî yê Îdarekarîya Merkezî ya Serra 2024ine" dewam kenê. Tîya çalakîya parlamenteranê HEDEPyî bale antî. Parlamenteranê HEDEPyî bi leçeganê sipeyan û qerenfîlan tewrê pêvînayîşê butçeyî yê Wezaretê Zerreyî bîyî û hêrişê serê Dadîyê Şemeyî û Dadîyê Aştîye şermezar kerdî. 

 

Parlamenterê HEDEPyî yê Êlihî Mehmet Ruştu Tiryakî dîyar kerd ke ganî destûr semedê çalakîyê demokratîke bêrê dayîş û vat, semedê ke ma hêrişan şermezar bikerê ma qerenfîlanê înan ard tîya.