MERKEZÊ XEBERAN - MKGyî derheqê roniştişê cinîyanê rojnamegeran do siba Amed de bêro kerdiş, venga wayîrvejîyayîşê roniştişî kerd û vat: "Ma seke Komeleya Rojnamegeranê Cinîyan ê Mezopotamyaye (MKG), bi amancê paştdayîşê bi mesleganê ma reyde, pêro kesî dawetê Edlîyeyê Amedî kenê."

 

Serra 2022ine de bi operasyonê 8ê Hezîrane bi sereştişê keyeyan de xeylêk rojnamegerî destbend bîyî. 20 ci ra rojnamegerî 22 kesî nê operasyonî de ameyî destbendkerdiş.16 rojnamegerî dimayê destbendkerdişê 8 rojan 16ê Hezîrane de ameyî tepiştiş û înan şirawitî zîndan. Bi çarçewaya eynî dewa de dimayê ke 13 aşmî derbaz bî, 11 û 12ê Temmuze de roniştişê ewilî yê 4ine Dadgeha Cezaya Giran ya Amedî de ame vînayîş de 15 rojnamegerî ameyî tehlîyekerdiş. Roniştişê dîyîn ê rojnamegere Remzîye Temel, Elif Ungur, Esmer Tunç û Neşe Toprak zî mîyan de bi temamî 18 rojnamegerî, do roja panşeme 9ê Teşrîna Peyêne de saete 09.00ine de bêro organîzekerdiş.

 

Derheqê roniştişê rojnamegerê cinîyan ke do siba bêro organîzekerdiş, ehê bê lidarxistin Komeleya Rojnamegeranê Cinîyan ê Mezopotamyaye (MKG), eşkerayîya nuşteyî da. MKGyî eşkerayîye de bale ant serê teda û zordestîyê cinîyanê rojnamegeran ser û têkoşînê hemverê nê de. Sewbîna MKGyî venga wayîrvejîyayîşê roniştişê cinîyanê rojnamegeran kerd.

 

Dewamê eşkerayîye de wina ame vatiş:

 

"Hemverê hêrişê îqtidarî yê serê rojnamegeran, çapemenîya azad bi ziwanê xo yê alternatîf sere de cinî û tutî ci de, eşnawitişê vengê komelî dewam keno. Hemverê kedkarê çapemenîya azade yê mîyanê ablûqayê hukmî de rêça heqîqetî dewam kenê, hêrişî zêde benê. Her roje rojnamegerî yenê destbendkerdiş, tepiştiş û bi seyan rîpelê îddianameyê rojnamegeran benê hedef.

 

Serra 2022ine de bi operasyonê 8ê Hezîrane bi sereştişê keyeyan de xeylêk  rojnamegerî ameyî destbendkerdiş. 20 ci ra rojnamegerî 22 kesî nê operasyonî de ameyî destbendkerdiş. 16 rojnamegerî dimayê destbendkerdişê 8 rojan 16ê Hezîrane de ameyî tepiştiş û înan şirawitî zîndan. Bi çarçewaya eynî dewa, dimayê 13 aşmî derbaz bî dima, 11 û 12ê Temmuze de roniştişê ewilî yê 4ine Dadgeha Cezaya Giran ya Amedî ame vînayîş de 15 rojnamegerî ameyî tehlîyekerdiş. Roniştişê diyîn ê rojnamegere Remzîye Temel, Elif Ungur, Esmer Tunç û Neşe Toprak zî mîyan de bi temamî 18 rojnamegerî do roja panşeme 9ê Teşrîna Peyêne de saete 09.00ine de bêro organîzekerdiş. 18 rojnamegerî do roniştişê înan bêro kerdiş, bi waştişê ên tepiştişê mabêne 7,5 û 15 serran de yenê muhakemekerdiş.

 

Çarçewaya eynî dewa de Mudura Karê Nuşteyî ya JINNEWSî Safiye Alagaş zî bi îddiaya "Endamtiya rêxistine" amebî tepiştiş. Derheqê rojnamegeran de bi seyan rîpelî îddianame de ameyî amadekerdiş. Dosyaya Safîye hetê Serdozgerîya Komare ya Amedî ra 15 rojnamegeran ra ameye cîyakerdiş. Dimayê 10 aşman bi îddianameyê binê 6 sernameyan de 383 rîoelî pê yeno, bi waştişê cezaya zîndanî yê 7,5 serran heta 15 serran dewa Safîye rê ameye akerdiş. Roniştişê ewilî yê Safîye15ê Hezîrane de 5ine  Dadgeha Cezaya Giran ya Amedî de ame kerdiş. Safîye nê roniştişî de ameye tehlîyekerdiş. Diyîn roniştişê Safîye na dewa de do 9ê Teşrîna Peyêne de, saete 09.20î de bêro kerdiş.

 

Ma sey Komeleya Rojnamegerê Cinîyan ê Mezopotamyaye (MKG), bi amancê paştdayîşê bi mesleganê ma reyde pêro kesî dawetê verê Edlîyeyê Amedî kenê."