MERKEZÊ XEBERAN - Sydneyî de dêrêk de çalakîya "Roja Kobanê ya Dinya" ame organîzekerdiş.

 

Semedê wesîleya “Roja Kobanê ya Dinya” “Uniting Church of Australia” yê bajarê Sydneyê Awûstralyayî de çalakîyêke ameye organîzekerdiş. Çalakî de Pastor Bill Crews qisey kerd û hurmetê xo yê semedê têkoşînê heqdar ê şarê kurdî yê azadî ard ziwan. Keşîşî ard ziwan ke zorberdişê DAIŞî yê dimayê serkewtişê Kobanê û sîstemê hemserekîye nîşanê pêro dinya da ke Rojawan de xoserîya demokratîke eşkena semedê kultur, bawerî û şarê cîya pîya bi têduştî biciwîyê.

 

Pastor Bill dîyar kerd ke wextê Ewropa de projeyê hetkarîyê merdimî de xebityenê, bi xeylêk multecîyanê kurdan ê ke destê DAIŞî ra remayî reyde pêvînayîş kerdo û sipasiyê xo pêşkêşê şarê kurdî û xoverdayîşê înan kerd.

 

Qiseykerdişê serê nameyê Merkezê Komelê Demokratîke ya Kurdan ê Sydneyî de ameyo kerdiş de bale dîya serê îdarekarîya xoserîya demokratîke ya ke şar Bakur û Rojhelatê Sûrîye de pîya ciwîyenê.