Melîke Aydin

 

ÎZMÎR - Parlamentera HEDEPyî Burcugul Çubuk ke şî serdayîşê zîndanê Şakran û Kiriklarî, tabloyê binpaykerdişê heqan qal kerd û waştişê tepişteyan ke wa tecrîdê Îmraliyî bikewo rojeve ard ziwan.

 

Hemsereka Partîya Demokratîke ya Şaran (HDP) ya Îzmîrî Berna Çelîke rê Zîndanê Şakranî de cigêrayîşê zitî ci rê amebî ferzkerdiş. Sewbîna keyeyan zî nê hetî ra muracat kerdibi. Parlamentera Partîya Têduştî û Demokrasî (HEDEP) yê Îzmîrî Burcugul Çubuk, hewteyê vîyarte de zî Zîndanê Cinîyan ê Şakranî û Zîndanê Buca Kiriklarî. Burcugule derheqê her di zîndanan de zî agahî da û da zanayîş ke tepişteyan waşto ke tecrîdê Îmraliyî bikewo rojeve.

 

‘Sewqan taloqê tarîxê ereyî kenê’

 

Burcugule da zanayîş ke sewqê nêweşaneyan de rîngî yenê şuxilnayîş û no zî semedê nêweşê qelbî bi rîsk o û wina vat: “Semedê xeylêk leqenê, tepişteyê nêweşê qelbî nêeşkenê boya xo bigîrê. Heto bîn ra zî bi sebebê ke personelê cenderme yê asayîşî yê wezîfedarî kêm ê, tay benê nêweşxaneyan. Hûmara tepişteyan zêde ya û randevuyan danê tarîxê ereyî. Dewlete serra aver de hewl dana 20 zîndanan abikera. Zerre de hezar û 600 hezar, 700 tepişteyî estê. Odayan de tewr zêde 10 kesî manenê. Di ranza odayan teng kena. Ê hîrêne wexto ke bikewo ci ca nêmaneno. Bi 10 kitaban sînor ardê.”

 

‘Heqê tepişteyan yeno astengkerdiş’

 

Burcugule dîyar kerd ke Şakran de hucreyê ke tepişteyê muebetî ci de manenê, rewşa înan baş nîya û wina vat: “Hucre cayê winayê ke ca çin o merdim çîyêk bikero. Eynî lavabo de dest û rî yeno şûtiş, firaqî yenê şûtiş. Hacetê pakitî yê bînî tîya de şuxilnayîş. Heqê weşîye yeno binpaykerdiş. Merdimî nêeşkenê gama xo bierzê. Bi sînor vejenê hewadankî. Teber de hacetê kirtasîye nînê girewtiş. Kantîn ra yenê girewtiş. Qelema boyaxî nêgînê zere. Kitabî tenê bi kargo eşkenê bêrê şirawitiş.”

 

‘Edlîyan de koletî yeno ferzkerdiş’

 

Burcugule bale ant serê rewşa tepişteyanê edlî zî û wina vat: “Semedê edlîyan rewşe cîya ye. Semedê wayîrvejîyayîşî û awe zî ganî bişuxilîyê. Pedê ke Wezaretê Edaletî şiraweno zî vano ke bexş do bidê. Lazimîyê cuye nêdanê. Semedê nê koletî tepişteyan rê yeno ferzkerdiş. Nê cayî semedê nêweşan baş nîyo. Hacetê pakî kêm ê. Semedê 10 oda tewr zêde 5 paspasan danê. Wexto ke qelebalix bê awa germe zî qîm nêkena. Tepişteyan sewqê bajaranê dûrî kenê. Keyeyê tepişteyan her tim nêeşkenê şêrê cayê dûrî.  Rewşa zîndananê Tirkîya wina ya.”

 

‘Cigêrayîşê zitî yê sîstematîk’

 

Burcugule dewam de wina vat: “Pêro tepişteyê cinî yê ke mi pêvînayîş kerd bi moral bî. Pêwa tecrîdî bi moral bî. Her zîndan de derheqê kitaban de sînor esto. Pêwa wesayîtê rîngî yê newe estê, bi wesayîtê rîngî yê kanî benê nêweşxaneyan. Nê rîngî zî xeylêk  nêbaş ê. Tepişteyî vanê demo rewşêke lezgîn çinbo nêwazenê şêrê nêweşxaneyan. Tepişteyê ke ameyê surgunkerdiş zî bi qerarê wezaretî yenê tecrîdkerdiş. Asayîşê canê tepişteyan çin o. Tepişteyê nêweşan terkê mergî kenê.”

 

Burcugule dîyar kerd ke hacetê ke keyeyê tepişteyê Kiriklarî rê şirawenê nînê girewtiş û tepişteyan mecbûrê kantînan kenê.

 

‘Ganî tecrîd bibo rojeve’

 

Burcugule dîyar kerd ke ganî tecrîd bibo rojeve û wina qedêna: “Waştişê tepişteyan o bi ke tecrîdê Îmraliyî zêdeyêr bikewo rojeve. Tepişteyan rê ferz kenê ke derbazê qawişê xoser bibê. Rewşa tepişteyanê nêweşan û tepişteyanê bînan ma do berê  rojeva meclîsî. Ma do binpaykerdişê heqan ê zîndanan taqîb bikerê. Tepişteyan vat ganî têkoşîn bêro pîlkerdiş û tenê bi tepişteyan sînordar nêmano.”