STENBOL - Dadîyê Şemeyî yê ke bi 28 serrî yo çalakîya xo dewam kenê, hewteyê 971ine de, pêwa astengîyan zî ver bi Raşteyê Galatasarayî rayîr ra şî û qerenfîlê destanê xo raşte de ronayî.

 

Dadîyê Şemeyî semedê aqubetê merdimanê xo yê ke destbendkerdişî de ameyê vînîkerdiş bipersê û semedê versucî bêrê muhakemekerdiş, 28 serrî yo her hewte çalakîya xo ya Raşteyê Galatasarayî organîze kenê. Dadîyê Şemeyî bi 28 serrî yo çalakîya xo dewam kenê, hewteyê 971ine de, pêwa astengiyan zî ver bi Raşteyê Galatasarayî de şinê. Pêwa qerarê "Binpaykerdişî" yê Dageha Destûrî dayê zî bi 30 hewte na çalakîya Dadîyanê Şemeyî hetê qeymeqamtîya Beyogluyê ra yeno qedexekerdiş. Çiqasî bi sebebê qerarê "qedexe yo" çalakî bêro qedexekerdiş zî Dadîyê Şemeyî ver bi Raşteyê Galatasarayî de rayîr ra şî.

 

Vernîya çalakîye pêro kuçeyê Cadeyê Îstiklalî hetê polîsan ra ameyî padayîş. 

 

Rayîr ra şîyayîşê xo bi qerar ca ardî

 

Dadîyê Şemeyî pêwa astengî rayîr ra şî û qerenfîlan dayî Raşteyê Galatasarayî. Polîsan dadîyan kerd binê ablûqa û rojnamegerî zî hetê polîsan ra ameyî astengkerdiş. 

 

Dadîyê ke bi deqîqayan binê ablûqa de mendî, yew bi yew binê ablûqa ra ameyî vetiş.

 

Dimayê muzakereyê bi polîsan Dadîyê Şemeyî ra Maside Ocak serê nameyê Dadîyê Şemeyî de qerenfîlan da Raşteyê Galatasarayî.