MERKEZÊ XEBERAN - Nergis Muhammedîya ke Îran de tepişte ya û xelata heqanê merdiman a Nobelî girewte semedo ke sereyê xo nêpişte aye sewqê nêweşxaneyê nêkerdî. 

 

Pawitoxa heqanê merdiman Nergis Muhammedîya ke Îran de tepişte ya, emserr layîqê Xelata Aştîye ya Nobelî ameye dîyîş. Keyeyê Nergise da zanayîş ke semedo ke sereyê xo nêgirewta û red kerda aye sewqê nêweşxaneyî nêkerdî. Nergis Muhammedîya 51 serrî Zîndanê Evîne ya Tahranî de tepişte ya û ame zanayîş ke semedo ke nêweşîya zerrî aye de esta ganî nêweşxane de bêra tedawîkerdiş. 

 

Keyeyê Nergise bi eşkerayîyêk nuştekî ke serê medyaya dîjîtale de vila kerd vat: “Rayîrberîya zîndanî vano ke seba ke tepişte sewqê nêweşxaneyî bêra kerdiş, mecburî çîte bida sereyê xo.” Keye da zanayîş ke rewşa cuya kênaya înan binê tehluke de ya û ganî Nergise bi hawayêk lezkî sewqê nêweşxaneyî bêra kerdiş û anjîyo biba. Keye dîyar kerd ke zîndan de komêk cinî vera caardişê nêberdişê Nergise ya nêweşxaneyî çalakîya protestokerdişî pê ard. 

 

Vera eşkerayîya keyeyî de selahîyetdarê Tehranî tu eşkerayîyêk fermî nêdayî.